Žychar Homiela skraŭ u kramie smačnuju kaŭbasu, ale pakinuŭ pašpart
Žychara Homiela pryvabiła syravialenaja kaŭbasa ŭ praduktovaj kramie na vulicy Jafremava. Spačatku jon pasprabavaŭ niezaŭvažna vynieści z handlovaj zały niekalki pałak kaŭbasy. A kali jaho pabačyŭ achoŭnik, pačaŭ uciakać.
22‑hadovy hamialčuk užo byŭ asudžany za chulihanstva. Majučy jašče nie pahašanuju sudzimaść, jon navažyŭsia na novaje złačynstva. Jon uziaŭ sa stełaža ŭ kramie dźvie pałki kaŭbasy, schavaŭ ich pad kurtku i nakiravaŭsia da vychadu, abminajučy kasu, piša Belkagomel.by.
Niesumlennaha pakupnika zaŭvažyŭ achoŭnik, dahnaŭ chłopca kala vychadu i prapanavaŭ viarnuć tavar. Ale toj pačaŭ vyryvacca, vykinuŭ kaŭbasu i ŭciok. Tolki adyšoŭšy ad kramy na biaśpiečnuju adlehłaść, jon zrazumieŭ, što pakinuŭ u rukach achoŭnika svaju sumku, a ŭ joj — i asabisty pašpart.
U toj ža viečar jon vyjechaŭ u Rasiju pa vajennym bilecie, ale byŭ tam zatrymany i zaraz znachodzicca ŭ śledčym izalatary Homiela.
Kamientary