Rasijskija ŭłady pryniali rašeńnie pačać praces denansacyi tak zvanych Charkaŭskich damoŭ, jakija praduhledžvajuć padaŭžeńnie na 25 hadoŭ terminu znachodžańnia Čarnamorskaha fłota va Ukrainie ŭ abmien na źnižku na rasiejski haz. Pra heta 28 sakavika paviedamiŭ pres-sakratar prezidenta Dźmitryj Piaskoŭ.
Takoje rašeńnie było pryniata na apieratyŭnaj naradzie prezidenta RF Uładzimira Pucina z pastajannymi členami Savieta biaśpieki RF.
U krasaviku 2010 hoda tahačasnymi prezidentami Rasii i Ukrainy Dźmitryjem Miadźviedzievym i Viktaram Janukovičam było padpisana pahadnieńnie, zhodna ź jakim Kijeŭ atrymlivaŭ źnižku na haz u pamiery 100 dalaraŭ za tysiaču kubamietraŭ (u 2013 hodzie ahulny abjom źnižki skłaŭ $ 2,7 młrd) u abmien na padaŭžeńnie znachodžańnia rasijskaha fłotu ŭ Krymie. Pavodle ŭmovaŭ damovy, termin znachodžańnia Čarnamorskaha fłotu ŭ Krymie musiŭ adličvacca z 2017 hoda i doŭžycca 25 hadoŭ. Rasija płaciła za bazu 97 młn dalaraŭ u hod.
U śniežni 2013 paśla admovy Kijeva ad kursu na jeŭraintehracyju Maskva dała jašče adnu źnižku, zhodna ź jakoj košt paliva dla Ukrainy źniziŭsia z 400 dalaraŭ da 268,5.
Kamientary