Amierykanskaje vydańnie The Daily Beast apublikavała fota siłavikoŭ, jakija ŭ dvary SBU ŭ Kijevie rychtavalisia da supraćstajańnia z udzielnikami pratestnych akcyj u centry stalicy.
«Fotazdymki i 90 hihabajt videamateryjałaŭ padali pierakanaŭčyja dokazy, što bojnia na Majdanie była sapraŭdy ździejśnienaja pa zamovie prarasiejskaha režymu Janukoviča …
Ale heta nie pieraškodziła Kramlu prydumać svoj ułasny apovied pra padziei», — adznačaje vydańnie.
Ranicaj 20 lutaha ŭ dvary SBU byli zaŭvažanyja dziasiatki ludziej, mnohija ź jakich pradstaŭlali elitnaje padraździaleńnie «Alfa», ekipiravanyja broniekamizelkami, šlemami, bojeprypasami i snajpierskimi vintoŭkami, a taksama madyfikavanymi AK. U niekatorych ź ich - askiepkavyja hranaty. Usio heta nie pryznačana dla baraćby ź biesparadkami, padkreślivajuć ekśpierty.
Taksama miarkujučy pa fatahrafijach, mnohija z členaŭ Alfa mieli žoŭtyja ci biełyja narukaŭnyja paviazki, i pierad tym, jak pakinuć terytoryju SBU, naciahnuli bałakłavy.
Jak viadoma, padraździaleńnie Alfa naličvaje kala 200 členaŭ, adnak niahledziačy na heta, udzielniki padziej z boku siłavikoŭ na Majdanie 18—20 lutaha da hetaha času nie ŭstanoŭleny.
Ciapier čytajuć
Prosty biełarus ździviŭ ludziej, kali ŭ Hiermanii pryznavaŭsia ŭ lubovi da Łukašenki. Ale akazałasia, što jon niaprosty19
Kamientary