MUS Ukrainy zatrymała padazravanych u rasstrele aktyvistaŭ Jeŭramajdanu
Pry hetym ŭ siłavym viedamstvie nie ŭdakładnili kolkaść padazravanych i zatrymanych.
Supracoŭniki MUS zatrymali šerah padazravanych u masavym zabojstvie mitynhoŭcaŭ na Majdanie Niezaležnaści u lutym. Da liku zatrymanych adnosiacca nie tolki členy arhanizavanych kryminalnych band, ale i niekatoryja supracoŭniki pravaachoŭnych orhanaŭ, paviedamiła ŭ paniadziełak 31 sakavika, pres-słužba MUS.
Pres-słužba nie ŭdakładniła kolkaść padazravanych i zatrymanych. Raniej paviedamlałasia, što ŭ čaćvier 3 krasavika, ministr unutranych spraŭ, Hienprakuror i kiraŭnik SBU daduć pramiežkavuju spravazdaču ab rasśledavańni spravy ab masavych zabojstvach u centry Kijeva.
Kiraŭniki siłavych viedamstvaŭ pakažuć i raskažuć toje, što nie paškodzić pracesu dalejšaha śledstva pa hetaj spravie. Adkryjuć infarmacyju pra zatrymanych i padazravanych.
Adznačym, što ŭ Lvoŭskaj vobłaści SBU razam z MUS kanfiskavała ź niezakonnaha abarotu zbroju i bojeprypasy, jakija mahli vykarystoŭvacca padčas rasstrełu ŭdzielnikaŭ masavych akcyj na Majdanie Niezaležnaści ŭ lutym 2014 hoda.
U pačatku 2000‑ch troje nastaŭnikaŭ historyi źbiehli va Ukrainu ad «hienacydu biełaruskaha naroda», jaki čyniŭ režym Łukašenki. Jak skłaŭsia ich los?1515
Kamientary