FRH, Francyja i Polšča zaklikali pravieści kanferencyju pa Ŭkrainie
Niamieččyna, Francyja i Polšča zaklikali da praviadzieńnia mižnarodnaj kanferencyi pa Ŭkrainie z udziełam Rasiei. Tym časam siońnia abmiarkujuć ŭkrainskaje pytańnie ŭ NATO.
Kiraŭniki ministerstvaŭ zamiežnych spraŭ hetych krainFrank-Valter Štajnmajer, Łaran Fabijus i Radasłaŭ Sikorski sustrelisia ŭ paniadziełak u Vejmary ŭ trochbakovym farmacie.
«Kab pasłać Ukrainie mocny syhnał padtrymki, kansalidavać mižnarodnyja namahańni i abmierkavać nieabchodnyja reformy, my prapanujem pravieści kanferencyju, jakaja budzie spryjać zboru mižnarodnaj dapamohi, uklučajučy techničnaje sadziejničańnie Ŭkrainie paśla prezydenckich vybaraŭ, pryznačanych na 25 traŭnia. My taksama budziem vitać udzieł Rasiei»,— adznačajuć kiraŭniki dyplamatyčnych viedamstvaŭ troch eŭrapiejskich dziaržaŭ.
Tym časam siońnia ŭ Brusieli pačynajecca dvuchdzionnaje narada krain-siabraŭ Paŭnočnaatlantyčnaha aljansu. Jak pieradaje «Polskaje radyjo», hałoŭnaja tema sustrečy — abmierkavańnie mahčymych novych sankcyjaŭ u dačynieńni da Rasiei za dziejańni ŭ Krymie.
U aŭtorak ministry krain NATO ŭ čarhovy raz vykažuć svaju padtrymku terytaryjalnaj cełasnaści Ŭkrainy i praviaduć dyskusii pa dalejšym farmacie adnosinaŭ z Rasiejskaj Federacyjaj.
Akramia taho, zaplanavana dyskusija pa padtrymcy tych krain — siabraŭ NATO, jakich niepasredna moža zakranuć rasiejska-ŭkrainski kanflikt.
Nieŭzabavie paśla aneksii Kryma Rasiejaj NATO zamaroziła supracoŭnictva z Maskvoj. Taksama była prypynienaja bolšaść dyplamatyčnych kantaktaŭ.
Ciapier čytajuć
U Rečycy ludzi vyjšli prybirać śnieh. Ich aštrafavali6
U Rečycy ludzi vyjšli prybirać śnieh. Ich aštrafavali
Topavy pierakładčyk pajechaŭ u Biełaruś mianiać pašpart — i sieŭ za danaty. «KDB pahladzieŭ na sumu i vyrašyŭ, što nichto ŭ zdarovym rozumie nie moža vydatkavać stolki ŭłasnych hrošaj»1414
Kamientary