Kamandy «biełaruskamu majdanu» ŭ śniežni 2010 hoda išli z Kijeva. Takuju zajavu zrabiŭ Alaksandr Łukašenka ŭ intervju prahramie «Siońnia. Vynikovaja prahrama» rasijskaj telekampanii NTV, jakaja vyjšła ŭ efir viečaram 13 krasavika.
Pra heta, pavodle słoŭ Łukašenki, jon raskazaŭ v. a. prezidenta, staršyni Viarchoŭnaj rady Ukrainy Alaksandru Turčynavu padčas ich sustrečy 29 sakavika. Na heta Turčynaŭ prapanavaŭ nazvać kankretnaha čałavieka. «Ja vam prosta dla prykładu kažu, što z Kijeva my fiksavali telefanavańni, i ŭ nas zapisy jość, jany ŭ kryminalnych spravach», — uchiliŭsia ad adkazu na pytańnie Łukašenka.
Razam z tym jon zajaviŭ, što atrady «Pravaha siektara», instruktarami jakich vystupali «palaki ci amierykancy», byli i ŭ Bresckaj vobłaści. «Jany pasprabavali tam vieści padrychtoŭku i pryciahvać našych. Ale ciaham sutak jany apynulisia tam, dzie treba», — zajaviŭ Łukašenka.
Kamientary