Pra heta paviedamiŭ u svaim FB ministr unutranych spraŭ Ukrainy Arsien Avakaŭ.
«Andrej Kryščanka! Načalnik milicyi Horłaŭki z honaram abaraniaŭ svoj post, — napisaŭ Avakaŭ. — Adstrelvaŭsia ad sieparatystaŭ. Skinuŭ rasijski ściah i sieparatysta z dachu ŭpraŭleńnia. Byŭ zachopleny, źbity. Niekatoryja prarasiejskija sajty paviedamlajuć, što jon u suviazi z akazanym supracivam byŭ zabity.
Nie, nie było takoha! Adbili! Andreju akazana miedycynskaja dapamoha. Jon z nami. Bolš-mienš u paradku.
Sapraŭdnyja aficery. Takich mała. Jon i jaho namieśnik — padpałkoŭnik milicyi Hierman Prystupa vykonvali svoj abaviazak — abaraniali honar krainy. Z takimi aficeraŭ budziem vybudoŭvać novuju milicyju»
Natoŭp aźviarełych rasiejcaŭ sprabavaŭ pastavić na kaleni kiraŭnika milicyi Horłaŭki. Kali jon admoviŭsia, jaho źbivali ŭsim, što mieli, paviedamlaje «Komsomolskaja pravda v Ukrainie». Pałkoŭnik Kryščanka dvoje sutak kiravaŭ abaronaj miascovaha adździeła milicyi. Milicyja Horłaŭki nie stralała, ale i nie dazvalała rasijskim šturmavikam uvajści ŭ budynak.
Raniej byŭ zabity ŭkrainiec u Daniecku, bajcy hrupy «Alfa» ŭ Słaviansku, krymski tataryn u Simfieropali, niekalki ŭkrainskich aficeraŭ u Krymie. U krytyčnym stanie zastajucca praŭkrainskija aktyvisty, źbityja ŭ Charkavie. Akramia taho, bolš za sto čałaviek zahinuli ad ruk snajpieraŭ na Majdanie.
Ciapier čytajuć
Źjaviłasia jašče adno FOTA Mikoły Statkieviča paśla vyzvaleńnia2
Kamientary