Akcyja salidarnaści ŭ Homieli: vulicu pierakryli vohniennaj «barykadaj» VIDEA
Anarchisty padtrymali zatrymanaha FSB biełarusa Dźmitryja Razanoviča. Akcyja salidarnaści ź im prajšła ŭ niadzielu 13 krasavika. Na moście nad prajeznaj častkaj adnoj z homielskich vulic jaje ŭdzielniki vyviesili banier «Svabodu Razanoviču». Na samoj trasie była arhanizavanaja ahniavaja pieraškoda.
«Tym samym my chacieli vykazać svaju salidarnaść z našym tavaryšam, jakoha zatrymali roŭna miesiac tamu ŭ Rasii, a taksama pakazać što baraćba ŭkrainskaha naroda nie zastałasia niezaŭvažanaj siarod nas. My voźmiem usio lepšaje, što było va ŭkrainskich padziejach, kab zmahacca z tyranijaj i ekspłuatacyjaj. Za našu i vašu svabodu», — zajavili ŭdzielniki akcyi.
Nahadajem, Dźmitryja Rezanoviča zatrymali ŭ kancy sakavika rasijskija śpiecsłužby, kali jon jechaŭ z Kijeva ŭ Maskvu. U jaho znojdzieny pašpart jaho brata, ale cikavaść dla FSB pradstaŭlali nie čužyja dakumienty, a ŭdzieł chłopca ŭ padziejach na Majdanie. FSB sprabavała abvinavacić biełarusa ŭ padrychtoŭcy teraktu na Kurskaj AES.
Kamientary