U Daniecku nadzvyčajny źjezd deputataŭ usich uzroŭniaŭ Danieckaj vobłaści ad Partyi rehijonaŭ prahałasavaŭ za praviadzieńnie refierendumu ŭ dzień praviadzieńnia prezidenckich vybaraŭ 25 maja.
Pra heta zajaviŭ kiraŭnik Danieckaj abłasnoj Partyi rehijonaŭ Mikałaj Leŭčanka, začytaŭšy adpaviednuju rezalucyju źjezdu.
U rezalucyi było adznačana, što «mienavita deputacki korpus Danieckaj vobłaści maje lehitymnyja paŭnamoctvy pradstaŭlać svaju terytaryjalnuju hramadu i źjaŭlajecca adzinym paŭnamocnym vyraźnikam mierkavańnia žycharoŭ vobłaści».
U rezalucyi deputaty źjezda zapatrabavali ŭniasieńnia źmianieńniaŭ u Kanstytucyju Ukrainy, dzie «raz i nazaŭsiody budzie zamacavany za ruskaj movaj status dziaržaŭnaj i padzielenyja paŭnamoctvy pamiž centram i rehijonami».
Taksama źmieny Kanstytucyi pavinny zakranuć aŭtanomnaj biudžetnaj palityki ŭ rehijonach u ramkach unitarnaj krainy. U rezalucyi taksama padkreślena, što ŭsie rašeńni prymajuć šlacham refierendumu i hałasavańniem u parłamiencie.
Taksama Leŭčanka začytaŭ u rezalucyi zajavu deputataŭ źjezda ab niedapuščeńni sprobaŭ uzbrojenaha padaŭleńnia mirnych akcyj va Ukrainie i źniaćcia kryminalnaj adkaznaści na ŭsich etapach śledstva pa ŭdzielnikach ciapierašnich mirnych mitynhaŭ.
Akramia taho, začytvajučy rezalucyju, Leŭčanka zaklikaŭ mitynhoŭcaŭ, jakija zaniali siońnia administracyjnyja budynki, skłaści zbroju i nie padviarhać niebiaśpiecy žyćci mirnych hramadzian.
Jon padkreśliŭ, što taksama nieabchodna vyzvalić zablakavanyja administracyjnyja budynki, pierš za ŭsio dla taho, kab była mahčymaść naličvać zarpłaty, piensii i inšyja sacyjalnyja vypłaty.
Raniej sieparatysty, što zachapili budynak Danieckaha harsavieta, zajavili pra refierendum 11 maja.
Kamientary