Tradycyjna jajki farbujuć u cybulevym šałupińni. Ad jaje kolkaści zaležyć intensiŭnaść koleru pafarbavanych jajek — ad aranžava-biežavaha da nasyčanaha bura-čyrvonaha.
Šałupińnie žoŭtaj repčataj cybuli (5–10 žmieniaŭ) zamačyć na noč. Jajki pierad afarboŭkaju pažadana pamyć mylnym rastvoram abo pracierci vocatam, kab bolš raŭnamierna afarbavać.
Dla naniasieńnia ŭzoru možna prykłaści halinki abo liściki raślinaŭ.
Paśla, źmiaściŭšy jajko ŭ kapron abo bint (u adzin słoj), mocna zaviazać kancy nitkaju. Dla atrymańnia karunkavaha ŭzoru možna zaharnuć jajko ŭ karunki, a dla atrymańnia pałosak — abkrucić nitkami.
Pryhatavanyja takim čynam jajki pakłaści ŭ kastrulu z šałupińniem, zvaryć u krutuju (10–15 chvilinaŭ na małym ahni) i pakinuć u šałupińni, pakul nie astynuć. Kab atrymać bolš nasyčany koler, možna pakinuć jajki ŭ šałupińni na niekalki hadzinaŭ. Paśla taho, jak pafarbavanyja jajki absochnuć, možna nacierci ich alejem, kab jany bliščali.
Šałupińnie fijaletavaj cybuli pafarbuje jajki ŭ bura-čorny koler.
Kab pafarbavać jajki ŭ sini koler,
nieabchodna zalić vadoju parezanuju na vialikija kavałki čyrvonakačannuju kapustu (1 kačan), dadać 3–5 ł. soli (u zaležnaści ad kolkaści jajek) i varyć 15–20 chvilinaŭ, pracadzić. Dadać da atrymanaha advaru 3–5 st. ł. vocatu, farbavać zahadzia zvaranyja jajki, pakinuŭšy ich u advary na 15–30 chvilinaŭ, kab atrymaŭsia błakitny koler abo na niekalki hadzinaŭ — dla siniaha koleru.
Kab atrymać karyčnievy koler,
advaryć jajki ŭ vielmi mocnaj zavarcy čornaj harbaty (8–10 pakiecikaŭ na šklanku vady) z 3–5 st. ł. soli. Dadać 3 st. ł. vocatu, pakinuć jajki ŭ zavarniku na niekalki hadzinaŭ. U karyčnievy koler pafarbuje jajki i nasyčany advar z 2–4 burakoŭ, da jakoha dadadzieny sol i vocat.
Kab atrymać žoŭty koler,
nieabchodna advaryć jajki z 3 st. ł. kurkumy abo 1–2 č. ł. šafrana i 3–5 st. ł. soli. Dadać 3–5 st. ł. vocatu, pakinuć jajki astyvać u rastvory da nabyćcia žadanaha koleru, pramyć, vysušyć.
Kab atrymać zialony koler,
nieabchodna pafarbavać jajki ŭ kurkumie i šafranie, a paśla trymać u advary z čyrvonaj kapusty da atrymańnia žadanaha koleru.
-
Stała viadoma imia jašče adnaho ahienta KDB, jaki moža być datyčnym da źniknieńnia Mielnikavaj
-
U Homieli piensijanier vysadziŭ u dvary drevy. Ale ich vierchaviny paabłomvała złaja 90-hadovaja susiedka
-
U Biełarusi zabaranili kitajskija telefony. Norma ŭtrymańnia śvincu ŭ ich była pieravyšana ŭ 330 razoŭ
Ciapier čytajuć
«Ludzi, budźcie pilnyja! U takoj situacyi moža apynucca kožny žychar ES!» Hramadzianin Litvy, asudžany ŭ Biełarusi da 13 hadoŭ za «špijanaž», pieradaŭ list z kałonii15
«Ludzi, budźcie pilnyja! U takoj situacyi moža apynucca kožny žychar ES!» Hramadzianin Litvy, asudžany ŭ Biełarusi da 13 hadoŭ za «špijanaž», pieradaŭ list z kałonii
«Niezaležnaść nie padaje ź nieba i nie dajecca nazaŭsiody. Jaje treba abaraniać». Cichanoŭskaja vystupiła z zajavaj da 35-hodździa pryniaćcia Dekłaracyi ab suvierenitecie4141
Kamientary