«Parytetbank» pierajšoŭ va ŭłasnaść Kiraŭnictva spraŭ prezidenta. Z hetaha času jano vałodaje 55% akcyj Parytetbanka, u Nacbanka zastałosia 45%.
U chutkim časie ŭ «Parytetbanka» źmienicca i staršynia praŭleńnia, raspaviała infarmavanaja krynica. Novym kiraŭnikom stanie 38-hadovy Andrej Bryštaloŭ, jaki ŭ ciapierašni čas źjaŭlajecca kiraŭnikom hrupy daradcaŭ i členam praŭleńnia Nacbanka.
KSP ŭžo maje adzin finansavy aktyŭ — heta strachavaja kampanija «Pramtransinviest».
''Parytetbank'' źjaŭlajecca pravapierajemnikam banka «Pošuk», jaki byŭ stvorany ŭ studzieni 1991 hoda na bazie Dziaržbanka SSSR pa inicyjatyvie bujnych pradpryjemstvaŭ Minska. Da 1998 hoda ŭvachodziŭ u šaściorku najbujniejšych bankaŭ Biełarusi. U 1999 hodzie z-za niezdavalniajučaha stanu kredytnaha partfiela bank sutyknuŭsia z prablemami likvidnaści, i nieŭzabavie kantrolny pakiet akcyj pierajšoŭ Nacbanku. Praz 5 hadoŭ bank pierajmienavali ŭ «Parytetbank», a Nacbank staŭ asnoŭnym ułaśnikam.
U apošnija niekalki hadoŭ ułady Biełarusi razhladali prodaž «Parytetbanka» stratehičnamu inviestaru. Adnak baki nie zmahli syścisia ŭ canie.
Kamientary