Suśvietnyja dziejačy mastactva zaklikali chakieistaŭ vyjści na lod ź bieł-čyrvona-biełymi šalikami

Viadomyja dziejačy mastactva źviarnulisia da ŭdzielnikaŭ čempijanatu śvietu pa chakiei.

«My, dziejačy mastactva, źviartajemsia da spartsmienaŭ z prośbaj nadać čas i źviarnuć uvahu na palityčnuju situacyju ŭ krainie, dzie pravodzicca čempijanat śvietu pa chakiei.

Alaksandr Łukašenka viadomy jak «Apošni dyktatar Jeŭropy».

Biełarusy žyvuć va ŭmovach režymu Łukašenki ŭžo 20 hadoŭ, na praciahu jakich jany sutyknulisia z katavańniami, zabojstvami, zapałochvańniem i pahrozami za toje, što vystupali suprać biesčałaviečnych zakonaŭ i paradkaŭ.

Łukašenka arhanizavaŭ prapahandysckuju kampaniju pad łozunham «Vialiki chakiej za Alaksandra Łukašenku». My nie vierym u heta. My vierym, što chakieisty padtrymlivajuć svabodu i pravy čałavieka.

Kali łaska, nie dazvalajcie dyktataru vykarystoŭvać siabie. Dałučajciesia da nas, apranajučy bieł-čyrvona-bieły šalik abo značok paśla hulni, kab pakazać, što vy staicie na baku naroda Biełarusi. Heta kolery nacyjanalnaha ściaha, jaki ŭ Biełarusi ličycca simvałam supracivu.

My prosim vas pakazać biełaruskim ludziam, što advaha i siła, jakija vy demanstrujecie ŭ sporcie, nie ślapyja; i dałučycca da ich, zajaviŭšy pra svajo nieprymańnie režymu, jaki parušaje pravy čałavieka. Hety prosty žest padtrymki nadaść siły miljonam, jak advažnyja ŭčynki atletaŭ u Mieksicy ŭ 1968 hodzie, i ŭ Sočy ŭ 2014 zakranuli vielizarnuju kolkaść ludziej pa ŭsim śviecie.

My nie majem dziaržaŭnaj ułady, ale my vierym, što abjadnaŭšysia jak dziejačy mastactva i spartsmieny, my zdolnyja źmianić situacyju, prosta pakazaŭšy narodu Biełarusi, što my cenim pravy čałavieka i padtrymlivajem ich. My vałodajem maralnym aŭtarytetam, jakim dyktatary nie pavinny złoŭžyvać u svaich metach.

Biełaruś zastyła ŭ časie. U ludziej niama pierśpiektyŭ va ŭmovach dyktatury savieckaha ŭzoru. Niadaŭniaje ŭvarvańnie Rasiei va Ukrainu aznačaje, što ŭvieś rehijon staić pierad niebiaśpiekaj viartańnia ŭ surovyja časy Savieckaha Sajuza.

Ludzi tvorčaści i spartsmieny pavinny zahavaryć ad imia tych, kaho prymusili zamaŭčać; ale nie jak atlety abo artysty, a jak takija ž ludzi.

Vy - ludzi mocnaj voli i ŭčynkaŭ. Zvyčajna, svaju vam padtrymku pakazvajuć zaŭziatary, ciapier vaša čarha padtrymać ich.

Apranicie bieł-čyrvona-bieły šalik, vychodziačy na lod. Čyrvony koler simvalizuje mužnaść, a bieły - spačuvańnie. Apranuŭšy šalik, vy pakažacie zaŭziataram, što vy ličycie dyktatara tym, kim jon na samoj spravie źjaŭlajecca, i što vy staicie na ich baku. Apranuŭšy šalik, vy nadaście im śmiełaść i pakažacie, što ich hałasy pačutyja.

Sport pavinien zastavacca pa-za palitykaj, ale kali ich źmiešvajuć, spartsmieny pavinny prademanstravać - jany razumiejuć što adbyvajecca, jany nieabyjakavyja, jany padtrymlivajuć svaich zaŭziataraŭ u ich imknieńni da svabody i pavahi da pravoŭ čałavieka.

Nie hulajcie c dyktatarami, padtrymajcie vašych zaŭziataraŭ!

Podpisy pad adkrytym listom pastavili Łory Andersan, Majkł Atenbora, Džejms Birman, Ralf Hibsan, Chju Hrant, Kim Katreł, Natalla Kalada, Džaana Łamli, Džud Łoŭ, Devid Łen, Mark Rajłens, Ałan Rykmien, Endzi Samers, Tom Stopard, Džanet Suzman, Ema Tompsan, Styvien Fraj, Poł Chahis, Mikałaj Chalezin, Uładzimir Ščerbań.

• 0
• 0
• 0
• 0
• 0
• 0
• 0
• 0