6 traŭnia adbyŭsia Treci śpieŭny schod. 50 čałaviek u čarhovy raz sabrałasia ŭ adnoj z muzyčnych studyj Minska, kab paśpiavać biełaruskija narodnyja pieśni.
Salist hurtu «Vuraj» Siarhiej Doŭhušaŭ spačatku pravioŭ z prysutnymi majstar-kłas pa dychańni. Udzielniki rabili praktykavańni, kožny znachodziŭ svoj rytm. Potym pačalisia raśpievački: jany byli prostyja – kožny daŭ rady. Usio supravadžałasia rytmičnaj chadźboj pa studyi, hrukańniem nahami – pierad śpievami nieabchodna poŭnaściu raspavolicca. Zrešty, nastrojka na śpievy nahadvaje praktyvakańni johaŭ pa rassłableńni cieła i nastrojcy ducha.
Na dvuch papiarednich Śpieŭnych schodach udzielniki ŭžo vyvučyli piać piesień, i tamu śpievy pačalisia ź ich. Kali «śpievaki» dobra adčuli svoj hołas, uziali ahulnaje hučańnie – pryjšoŭ čas vyvučeńnia novych muzyčnych tvoraŭ. Imi stali chłapiečaja «Dunaju-dunaju» i dziavočaja «Kałychanka».
Chłopcy śpiavali dziaŭčatam svaju pieśniu, a potym – naadvarot.
Naprykancy Schodu pierad udzielnikami vystupiŭ śpiecyjalny hość – hurt «Kudźmień». Prahučała niekalki piesień u biełaruskaj narodnaj maniery vykanańnia, adbyŭsia duet skrypak.
Śpieŭny schod ačaroŭvaje ludziej.
Suarhanizatar schodaŭ Alaksiej Čubat zaprašaje na Schody ŭsich achvotnych, jak z muzyčnaj adukacyjaj, tak i bieź jaje.
Padpisacca na staronki Schodaŭ vy možacie ŭ Facebook abo Ukantakcie. Tam ža jość videa i teksty piesień.
-
Režym Łukašenki časova stanie mienš ahresiŭnym da susiedziaŭ, ale stratehična budzie imknucca da avałodańnia atamnaj zbrojaj
-
«Znajšli krajniaha», a «pastaviać sałdafona jakoha-niebudź». U sacsietkach adreahavali na zvalnieńnie kiraŭnika «Minsktransa»
-
Cyhankoŭ: Nie padazravaŭ, što Babaryka źjaŭlajecca prychilnikam sacyjalizmu — mary siaredniaha čałavieka
U Poznani hiniekołah vydaliŭ 24‑hadovaj biełaruscy matku i jaječniki bieź jaje zhody. Jamu pahražaje da 20 hadoŭ turmy11
Kamientary