Premjer-ministr Rasii Dźmitryj Miadźviedzieŭ prakamientavaŭ na svajoj staroncy ŭ fejsbuku inicyjatyvu Raskamnahladu ab mahčymaści błakavańnia dostupu ŭ Rasii da facebook i twitter:
«Jak aktyŭny karystalnik sacyjalnych sietak liču, što rasijskaje zakanadaŭstva abaviazany vykonvać usio — i sami sietki, i karystalniki. Ale asobnym čynoŭnikam, jakija adkazvajuć za raźvićcio haliny, treba čas ad času ŭklučać mazhi. I nie davać intervju, jakija abviaščajuć pra zakryćcio sacyjalnych sietak», — napisaŭ jon.
Nahadajem, što siońnia pres-sakratar Raskamnahlada Vadzim Ampiełonski zajaviŭ, što ŭ viedamstvie sapraŭdy razhladajuć mahčymaść poŭnaj błakiroŭki Twitter i Facebook i nie bačać u hetym nijakich ryzyk.
«Maksim Ksianzoŭ dosyć vyrazna i padrabiazna sfarmulavaŭ pazicyju Raskamnahladu», — zajaviŭ Ampiełonski telekanału Dožd́.
«Heta namieśnik kiraŭnika. Naturalna, jon vystupaŭ nie jak Maksim Ksianzoŭ, a jak aficyjny pradstaŭnik našaha viedamstva», — dadaŭ jon.
Raniej Ksianzoŭ zajaviŭ u ŚMI, što kiraŭnictva niekatorych zamiežnych internet-kampanij nie idzie na kantakt z rasijskimi ŭładami i «vykarystoŭvajuć karystalnikaŭ jak instrumient palityki». Raskamnahlad usprymaje heta jak «sacyjalnuju pahrozu» i hatovy zabłakavać Twitter abo Facebook u Rasii, bo nie bačyć u hetym vialikich ryzyk.
Ciapier čytajuć
Aktor Toŭścikaŭ: Na pakazie, kali pryjšli zbolšaha rasijskija hledačy — publika śmiajałasia. A kali byli biełarusy, Cichanoŭskaja — stajała poŭnaja cišynia11
Kamientary