«Mančester Sici», PSŽ, «Zienit», «Rubin» i «Anžy» pakaranyja miljonnymi štrafami za praźmiernyja vydatki
UEFA pakaraŭ anhlijski futbolny kłub «Mančester Sici», francuzski «Pary Sien-Žermien», turecki «Hałatasaraj», a taksama rasijskija kłuby — pieciarburhski «Zienit», kazanski «Rubin», machačkalinski «Anžy» za parušeńnie praviłaŭ finansavaha fair play.
Pavodle novych pravił UEFA kamandy abaviazany być samaakupnymi i nie marnavać bolš za toje, što zarablajuć.
Usie zhadanyja kłuby abaviazanyja ŭ 2015 hodzie skaracić biudžetny deficyt da 20—30 miljonaŭ jeŭra, a ŭ 2016-m vyjści na samaakupnaść. Na praciahu dvuch nastupnych hadoŭ jany nie mohuć pavialičvać zarpłatu futbalistaŭ.
Heta zroblena ŭ metach praduchileńnia skupki viadučych hulcoŭ kłubami, što atrymlivajuć hrašovyja ŭlivańni ad bahatych uładalnikaŭ i sponsaraŭ abo ad dziaržavy.
Kłuby, jakija ŭdzielničajuć u turnirach UEFA, pavinny taksama paćvierdzić, što nie majuć praterminavanych finansavych abaviazacielstvaŭ.
«Zienit» pavinien vypłacić štraf u 12 młn jeŭra, pałova jakoha budzie viernuta ŭ vypadku, kali jon vykanaje pradjaŭlenyja patrabavańni. Akramia taho, zajaŭka pieciarburhskaha kłuba na nastupny siezon jeŭrakubkaŭ skaročana z 25 da 22 futbalistaŭ. «My čakali takoho rašeńnia. Pa sutnaści nam nie chapiła hoda, kab u pryncypie paźbiehnuć spahnańniaŭ pa finansavamu «fejr płej», — havorycca ŭ zajavie hienieralnaha dyrektara» Zienita «Maksima Mitrafanava. Pa dadzienych Transfermarkt, u siezonie-2013/14 «Zienit» vydatkavaŭ na tranśfiernym rynku 32,8 młn jeŭra, a ŭ siezonie-12/13 — 103,8 młn jeŭra.
«Rubin» zapłacić 6 młn jeŭra, «Anžy» — 2 młn. Zajaŭki hetych kłubaŭ u budučych jeŭrakubkach u vypadku nievykanańnia patrabavańniaŭ UEFA buduć abmiežavanyja 21 hulcom.
Jašče bolš surjoznyja sankcyi nakładzienyja na «Mančester Sici» i «Pary Sien-Žermien» (pa 60 młn jeŭra). U siezonie 2014/2015 abodva kłuby zmohuć zajavić na matčy Lihi čempijonaŭ pa 21 hulcu.
«Hałatasaraj» pavinien vypłacić 200 tysiač jeŭra.
Finansavaja pravierka pravodzicca ŭ dačynieńni da 76 kamand. Jaje kančatkovyja vyniki buduć abvieščanyja ŭ červieni.
Ciapier čytajuć
Łukašenka pieraabuŭsia: Pozna ŭviečary Minsk pahruzili ŭ ciemru. Navošta? Ja ž ad vas hetaha nie patrabavaŭ20
Kamientary