Rasija, Hiermanija i Polšča abmiarkujuć «vostry ŭnutrypalityčny kryzis» va Ukrainie
10 červienia kiraŭniki MZS RF, Hiermanii i Polščy praviaduć niefarmalnuju sustreču ŭ Sankt-Pieciarburhu, dzie abmiarkujuć u tym liku pytańni ŭrehulavańnia vostraha ŭnutrypalityčnaha kryzisu va Ukrainie.
Pra heta havorka idzie ŭ zajavie MZS RF.
«Asnoŭnaja ŭvaha budzie nadadziena pytańniam urehulavańnia vostraha ŭnutrypalityčnaha kryzisu na Ukrainie, zadačam spynieńnia krovapralićcia i realnaha zapusku miechanizmaŭ inkluziŭnaha palitdyjałohu ŭ hetaj krainie», — adznačyli ŭ viedamstvie.
U svaju čarhu namieśnik kiraŭnika MZS RF Uładzimir Citoŭ napiaredadni niefarmalnaj sustrečy adznačyŭ: «Spadziajemsia, što Hiermanija i Polšča, jakija majuć ciesnyja, razhalinavanyja i raznastajnyja suviazi z našaj krainaj, dobra razumiejuć važnaść ich zachavańnia i supastaviać svaje dziejańni z nacyjanalnymi intaresami».
«Adnosna antyrasijskich sankcyj mahu tolki paŭtaryć, što jany nie prymusiać Rasiju pierahledzieć svaju pazicyju pa Krymie i źmianić svajo staŭleńnie da padziej va Ukrainie, a hałoŭnaje — nie pasłužać sumiesnamu pošuku šlachoŭ vychadu ź ciapierašniaj situacyi», — zajaviŭ Citoŭ.
-
Tehieran paćvierdziŭ hibiel Ali Łarydžani. Ź jaho źniščeńniem ułada ŭ Iranie moža pierajści ad fanatykaŭ da prahmatykaŭ
-
«Finski palityk», jakoha štodnia cytujuć kramloŭskija i łukašysckija ŚMI, akazaŭsia santechnikam biez hramadzianstva Finlandyi
-
KVIR paćvierdziŭ hibiel kiraŭnika vajenizavanaha apałčeńnia «Basidž»
Kamientary