U kinateatrach «Rakieta» i «Pijanier» źjavilisia retra-aŭtamaty z haziroŭkaj.
Ab hetym paviedamiŭ pieršy namieśnik hienieralnaha dyrektara UP «Kinavideaprakat» Andrej Razžavajkin.
«Ideja ŭstalavać aŭtamaty z haziroŭkaj u kinateatrach Minska pastupiła ad adnoj sa staličnych kampanij. Svabodnyja płoščy znajšlisia ŭ «Rakiecie» i «Pijaniery». Kali aŭtamaty buduć karystacca popytam u žycharoŭ i haściej stalicy, to my budziem razhladać pytańnie ab ich raźmiaščeńni i ŭ inšych kinateatrach horada», — skazaŭ Andrej Razžavajkin.
Aŭtamaty pa prodažy hazavanaj vady ź siropam, stylizavanyja pad tyja, što stajali na vulicach stalicy ŭ savieckija hady, ale ciapier vyrablenyja ŭ Rasii, a ich absłuhoŭvańniem zajmajecca biełaruskaja kampanija.
Adroźnivajecca sučasny aparat ad savieckaha tolki tym, što zamiest adtuliny dla maniet tut ustanoŭleny kupiurapryjomnik, a zamiest hranionaj šklanki źjaviŭsia adnarazovy płastykavy stakančyk.
U aŭtamatach možna budzie kupić i prostuju haziroŭku, i z naturalnymi siropami, smak jakich znajomy starejšamu pakaleńniu ź dziacinstva: sitro, limanad, tarchun, dziušes, barbarys i inšyja. Košt napoju składzie kala Br5 tys.
Ciapier čytajuć
Ad pryvatnikaŭ patrabujuć zavieści ideołaha ŭ štacie — raspytali, što robiać kampanii18
Kamientary