Žychar Vilni Edvard Inhilart, jaki vyviesiŭ rasijski ściah na bałkonie šmatkvaternaha doma, śćviardžaje, što chacieŭ tolki paradavacca, što jon ruski.
«Hety ściah ceły hod visieŭ na bałkonie, da hetaha času jon nikomu nie pieraškadžaŭ», — zajaviŭ mužčyna, jakoha šmat razoŭ karali za roznyja administracyjnyja pravaparušeńni.
Vilenski ŭčastkovy razhledzieŭ spravu ab administracyjnym pravaparušeńni, u jakim u dačynieńni da E.Inhilarta składzieny pratakoł ab parušeńni paradku vyviešvańnia ściaha inšaj krainy.
«Ja nie viedaŭ, što nielha viešać ściah — a što, i ściahi inšych krain nielha, ci tolki rasijski?», — spytaŭsia ŭ sudzie Inhilart.
Jon skazaŭ, što žyvie na pieršym paviersie šmatkvaternaha doma na vuł. Žyrmuny. «Heta maja terytoryja, što chaču, toje i rablu - heta pryvatnaja prastora», — sprabavaŭ jon apraŭdać svaje dziejańni.
Inhilart skazaŭ, što nievialiki (50ch20 sm) rasijski ściah kupiŭ za 10 litaŭ u parku Vinhis, kali tam adznačaŭsia Dzień Rasii. «Usie chodziać z hetym ściažkami, i ničoha, a mianie karajuć», — aburyŭsia jon.
«Ja nie vioŭ nijakuju prapahandu, prašu mianie daravać, ja sapraŭdy nie viedaŭ, što nielha vyviešvać rasijski ściah, bolš tak nie budu», - Inhilart prasiŭ sudździu nie pryznačać jamu štraf, niby ŭ jaho niama hrošaj.
Pa ździejśnienaje pravaparušeńnie Inhilartu pahražaje štraf u pamiery ad 30 da 50 litaŭ (120 tys. — 200 tys. biełaruskich rubloŭ). Jakuju sankcyju pryznačyć sud, vyśvietlicca ŭ sieradu.
Ciapier čytajuć
Palitviaźniaŭ pa ŭsioj krainie apytvajuć: paśla pamiłavańnia vy chočacie zastacca ŭ Biełarusi ci źjazdžać?9
Palitviaźniaŭ pa ŭsioj krainie apytvajuć: paśla pamiłavańnia vy chočacie zastacca ŭ Biełarusi ci źjazdžać?
Ahientka Kardaš vykarystoŭvała seks, kab źbirać infarmacyju pra kalinoŭcaŭ i zavierbavać ukrainskaha kamandzira. A kurataru KDB pisała pra jaho: «Moj łoch»3535
Kamientary