28 červienia źmianiajecca praca punktaŭ propusku na ŭkrainskim napramku
28 červienia ŭ rajonie styku miežaŭ Biełarusi, Rasii i Ukrainy budzie prachodzić mižnarodny maładziožny fiestyval «Słavianskaje adzinstva — 2014».
U suviazi z hetaj padziejaj, jak paviedamlaje Dziaržaŭny pahraničny kamitet Biełarusi, časova prypyniajecca propusk asob i transpartnych srodkaŭ u nastupnych punktach propusku praź dziaržaŭnuju miažu: «Novyja Jurkavičy» — z 6.00 da 19.00 (pa biełaruskim časie); «Viesiałoŭka» — z 06.00 da 12.00 (pa biełaruskim časie).
Pahraničniki rekamiendujuć hramadzianam, jakija žadajuć pierasiekčy miažu ŭ hety pieryjad, skarystacca punktami propusku «Novaja Huta» i «Kamaryn», a taksama pahranpierachodami na Mazyrskim napramku — «Novaja Rudnia», «Alaksandraŭka» i «Hłuškievičy».
Žychary Homiela i Homielskaha rajona ŭ piešym paradku mohuć pierasiekčy miažu ŭ punktach sproščanaha propusku «Paddabranka», «Hłybockaje» i «Andrejeŭka».
Kamientary