Z Hrodzienskaha mieduniviersiteta zvolnieny biełaruskamoŭny prafiesar Astroŭski
Pavodle aficyjnaj versii, doktar medyčnych navuk, prafesar Aleś Astroŭski nie prajšoŭ pa konkursie na zamiaščeńnie pasady prafesara.
Prafesar Astroŭski — adziny vykładčyk u Haradzienskim meduniversytecie, jaki dahetul praciahvaŭ čytać lekcyi pa-biełarusku.
Prafesar Astroŭski raspavioŭ, što jamu paprostu patelefanavała sakratarka z adździełu kadraŭ i paviedamiła, što jon nie prajšoŭ konkursu na zaniaćcie vakantnaj pasady prafesara, i prapanavała zabrać pracoŭnuju knižku.
Astroŭski: «Vielmi dziŭna vyhladała toje, što choć ja adpracavaŭ 34 hady ŭ meduniversytecie, 20 ź jakich — na pasadzie prafesara, sa mnoj navat nie pahavaryli ni dekan, ni rektar. Zrešty, ja nia pieršy ŭžo ŭ takoj sytuacyi. Siońnia, vidavočna, vykładčyki i navukoŭcy, jakija vykładajuć pa-biełarusku i vychoŭvajuć našu moładź u patryjatyčnym duchu, asabliva ŭ medyčnaj VNU, niepatrebnyja. Ja ŭžo vośmy vykładčyk i čaćviorty prafesar u našych haradzienskich navučalnych ustanovach, jakoha zvolnili takim čynam».
Alesiu Astroŭskamu zastajecca da pensii jašče dva z pałovaj hoda, u jaho troje niepaŭnaletnich dziaciej. Pavodle jaho, miesiačnaja dapamoha pa biespracoŭi ad dziaržavy składaje 300 tysiač u miesiac, ale ad takoj dapamohi jon vyrašyŭ admovicca. Šukaje pracy, pakul biezvynikova.
Ciapier čytajuć
Ivan Prus raskazaŭ, jak nažyŭsia na $200, pasialiŭšy kinazorku ŭ zaniadbanaj kvatery kala śmietnika ŭ Šabanach, abstaŭlenaj rečami ź jaho internata1313
Ivan Prus raskazaŭ, jak nažyŭsia na $200, pasialiŭšy kinazorku ŭ zaniadbanaj kvatery kala śmietnika ŭ Šabanach, abstaŭlenaj rečami ź jaho internata13
Vajb-prahramavańnie źmienić rolu raspracoŭščyka, RLVR, i kali łopnie burbałka. Biełarus-inžynier u halinie ŠI, jaki pracuje ŭ ZŠA, raskazaŭ, što nas čakaje ŭ 202633
Kamientary