Biełaruska, jakuju 4-hadovaj dziaŭčynkaj pradali cyhanam, stała karalevaj pryhažości i adšukała svaje karani VIDEA
Biełaruska, jakuju ŭ 1997 hodzie maci pryviezła ŭ Małdovu ŭ čatyry hodziki i pakinuła ŭ hetaj krainie, vychoŭvałasia ŭ cyhanskaj siamji.
Pra heta jana raspaviadaje ŭ intervju, videa jakoha raźmieščana na sajcie Ministerstva ŭnutranych spraŭ Biełarusi.
«Mianie hadavała babula-cyhanka. U dziacinstvie mianie za hrošy pradali ŭ cyhanskuju siamju, u jakoj nie było dziaŭčatak-dziaciej. Ja žyła ŭ hetaj siamji, mianie lubili, treślisia nad mnoj, ale ja adčuvała, što heta nie majo, što ja inšaja», — raspaviała dziaŭčyna.
«Dla cyhanoŭ ja była «ruskaj», a dla ruskich — cyhankaj», — uspaminaje jana. Ale jana prabiłasia ŭ žyćci, vyvučyłasia ŭ kaledžy na cyrulnicu i navat pieramahła na miascovym konkursie charastva. I, samaje hałoŭnaje, joj udałosia adšukać i dakazać svaje karani…
Dziakujučy ciesnamu ŭzajemadziejańniu biełaruskich milicyjanieraŭ z palicyjaj Małdovy ŭstanoŭlena miescaznachodžańnie 21-hadovaj minčanki, jakaja z 1997 hoda žyła ŭ čužoj siamji, paviedamlaje MUS Biełarusi.
U 1997 hodzie žycharka Minska razam z čatyrochhadovaj dačkoj pavodle zaprašeńnia znajomych adpraviłasia ŭ Małdovu. Niekalki miesiacaŭ jana žyła razam ź dziciem u pryharadzie Kišyniova, dzie zajmałasia paprašajnictvam. Zatym pry niavyśvietlenych akaličnaściach dziaŭčynka źnikła, a žančyna viarnułasia dadomu adna. Nie vyklučana, što mahła być vykradzienaja pradstaŭnikami cyhanskaj dyjaspary, ličyć śledstva.
Apieratyŭnyja supracoŭniki kryminalnaha vyšuku Biełarusi mieli niaznačnuju infarmacyju pra mahčymaje miescaznachodžańnie dziciaci. Doŭhi čas apieratyŭna-vyšukovyja mierapryjemstvy, zapyty na adras małdaŭskich pravaachoŭnikaŭ vynikaŭ nie davali.
«Dziaŭčynku niekalki razoŭ pierapradavali ź siamji ŭ siamju, u jaje było inšaje imia i inšaje proźvišča, — skazaŭ namieśnik načalnika ŭpraŭleńnia infarmacyi i hramadskich suviaziej MUS Biełarusi Hieorhij Jeŭčar. — Źnikłaja była abvieščanaja ŭ miždziaržaŭny vyšuk i mižnarodny vyšuk pa linii Interpoła».
U červieni 2014 hoda supracoŭnikam milicyi ŭdałosia ŭstanavić, što ŭ nievialikim haradku Saroki ŭ Małdovie žyvie dziaŭčyna pa imieni Maryja, jakaja vonkava vielmi adroźnivajecca ad «svajakoŭ». Vyśvietliłasia, što ŭ jaje zachavałasia fatahrafija z čatyrochhadovaha ŭzrostu. Pa joj svajaki toj, što adšukvałasia, paćvierdzili značnaje padabienstva z małoj, jakaja źnikła bieź viestak u 1997 hodzie.
U Minsku supracoŭniki Dziaržaŭnaha kamiteta sudovych ekśpiertyz praviali hienatypaskapičnuju ekśpiertyzu. Jana paćvierdziła, što žycharka Małdovy i biełaruska, jakaja adšukvajecca, — adna i taja ž asoba.
Pavodle słoŭ dziaŭčyny, jakaja pradstaviłasia Volhaj, u dziacinstvie novyja «baćki» pradali jaje znajomym ŭ siamju, dzie nie było dziaŭčynak.
«U pašparcie mianie nazvali Maryjaj. Vyhadavała mianie babula, ja vučyła cyhanskuju movu, małdaŭskuju. Vučyłasia 9 kłasaŭ u ruskaj škole, pastupiła ŭ kaledž, vučyłasia na cyrulnika, kuchara, zaraz skončyła kurs manikiuru, — raspaviała jana. — Mianie lubili vielmi, vychavali jak svaju. Ale ja adčuvała, što heta nie majo, ja była nie takaja jak usie, inšaja — ni cyhanka, ni ruskaja — niešta siaredniaje. U mianie byli pytańni: chto ja takaja, adkul ja rodam?»
U Minsku supracoŭniki Dziaržaŭnaha kamiteta sudovych ekśpiertyz praviali hienatypaskapičnuju ekśpiertyzu, jakaja paćvierdziła, što žycharka Małdovy i dziaŭčyna, jakuju šukaje MUS Biełarusi — adna i taja ž asoba.
«Kali dziaŭčyna vykaža žadańnie zastacca ŭ Biełarusi, na radzimie, biezumoŭna, budzie pravodzicca kompleks mierapryjemstvaŭ i nieabchodnych pracedur pa paćviardžeńni jaje asoby i dakumientavańni», — zajaviŭ Jeŭčar.
Kamientary