Viadomy rasijski satyryk i publicyst Viktar Šenderovič napisaŭ pra Valeryju Navadvorskuju ŭ svaim fejsbuku:
«Voś vy nie viedajecie, jakaja jana była pryhažunia ŭ maładości, Lera Navadvorskaja!
A ja bačyŭ jaje vypusknuju studenckuju fatahrafiju - u dzień, kali pravodziŭ u emihracyju Ženiu Arje (jany vučylisia razam na miedycynskim).
Tyja, chto katavańniami ŭ kazanskaj psichušcy pieratvaryli jaje ŭ paŭinvalida, i tyja, chto pramaŭčaŭ ŭ anučku ŭvieś represiŭny «savok», stali potym novaj rasijskaj elitaj - i sumiesnym čynam, da kanca jaje žyćcia, iranična praśmiajalisia na jaje adras. U hetaj ahulnaj iraničnaj uśmiešcy prymali ŭdzieł i mnohija najnoŭšyja demakraty z škoły real-politik: Lera, nu što ź jaje ŭziać. Ekstremistka!
A jana, siarod usioj hetaj dvuchsensoŭnaj hnili, mnohija hady zastavałasia nievierahodnym etałonam honaru. I dziŭnaj, hiercenaŭskaj siły publicystam. A jaje nieprymańnie zła było sapraŭdy šekśpiraŭskaj siły …
My jašče prosta nie ŭ stanie zrazumieć, chto žyŭ siarod nas i kaho my stracili siońnia.
Ciapier čytajuć
Mackievič: Cichanoŭskuju źniać, zamianić, pieraabrać nielha. Nie mučajciesia. Nielha — i ŭsio28
Kamientary