RNBA pryviało dokazy — ukrainski SU-25 byŭ źbity rasiejskim źniščalnikam
U RNBA zajaŭlajuć, što vypadak sa źbitym Boinham užo treci paśla taho, jak z rasijskaj terytoryi byli źbityja ŭkrainskija vajennyja samaloty An-26 i Su-25.
Pra heta paviedamlaje pres-słužba RNBA.
«16 lipienia ŭ 18:55 vajennaja vyviedka Ukrainy zafiksavała prymianieńnie samalotaŭ VPS Uzbrojenych sił Rasii suprać ukrainskaha samalota SU-25 u rajonie n.p. Amvrosijeŭka», — skazana ŭ paviedamleńni.
«Na terytoryi Rasii ŭ Rastoŭskaj vobłaści ŭ rajonie Maćviejeŭ Kurhan — Navašachcinsk našaj vyviedkaj supravadžaŭsia palot samalota MiH-29 sa składu 19 źniščalnaha avijacyjnaha pałka 1 źmiašanaj avijacyjnaj dyvizii 4 Kamandavańnia pavietranych sił RF», — havorycca ŭ paviedamleńni.
«U pieryjad z 18:48 pa 19:49 (pa kijeŭskim časie) naziemny punkt kiravańnia avijacyi VS RF (pazyŭny «rapira») ažyćciaŭlaŭ naviadzieńnie rasijskaha samalota MiH-29 (pazyŭny lotčyka «221») dla źniščeńnia pavietranaj mety na terytoryi Ukrainy», — adznačyli ŭ RNBA.
Akramia taho, paviedamlajecca, što «piłot MiH-29 VPS VS RF padčas palotu ŭ bok dziaržaŭnaj miažy Ukrainy na kursie 150-330 hradusaŭ (kirunak Rastoŭ-na-Donie /RF/ — Danieck /Ukraina/ u rajonie Maćviejeŭ Kurhan /RF/ — Amvrosijeŭka /Ukraina/) na praciahu 5-7 chvilin pryvodziŭsia kamandnym punktam na samalot Pavietranych sił US Ukrainy dla jaho paražeńnia».
«Baražyravańnie rasijskaha źniščalnika MiH-29 ažyćciaŭlałasia na vyšyni 8850 mietraŭ, a zachop ukrainskaha samalota rakietnym uzbrajeńniem MiH-29 ažyćciaŭlałasia na vyšyni 8250 mietraŭ. Dalokaść pamiž samalotami składała 35-40 km», — adznačyli ŭ SNBA.
Dla paražeńnia mety kamandavańniem VPS VS Rasiei była pradastaŭlena ŭkazańnie piłotu MiH-29 na ŭžyvańnie tolki rakiet kłasa «pavietra-pavietra» typu R-27T siaredniaha radyusu dziejańnia ź infračyrvonaj sistemaj samanaviadzieńnia.
«Hety typ rakiet nie fiksujecca sistemaj papiaredžańnia ab apramieńvańni samalota Su-25, a taksama spadarožnikavymi sistemami raźviedki i nazirańnia paśla pusku.
Inšaj asablivaściu rakiet typu R-27 źjaŭlajecca toje, što jany vyrablajucca va Ukrainie, majuć markiroŭku vytvorčaha pradpryjemstva «Arciom» (Kijeŭ) i ŭ vypadku vyjaŭleńnia ich abłomkaŭ niemahčyma identyfikavać jak rasijskaje ŭzbrajeńnie», — adznačyli ŭ SNBA.
Padčas pavietranaha boju rasijski źniščalnik trojčy navodziŭsia na ŭkrainski samalot dla harantavanaha pusku rakiety. Paśla zachopu mety z dapamohaj bartavoj kvantavaj optyka-łakacyjnaj stancyi MiH-29 byŭ naniesieny adzin rakietny ŭdar pa samalocie Pavietranych sił US Ukrainy.
Dziakujučy majsterstvu ŭkrainskaha piłota i vykananych im supraćrakietnych manieŭraŭ, pramoha papadańnia ŭ samalot i jaho źniščeńnia nie było. Rakieta trapiła ŭ sopła ruchavika i piłot ździejśniŭ avaryjnuju pasadku, pra što my paviedamlali.
U svaju čarhu, nanieści paŭtorny ŭdar pa Su-25 Ukrainy pieraškodziŭ doŭhi čas naviadzieńnia na ŭkrainski samalot i niedachop haručaha ŭ bakach. Samalot MiH-29 byŭ pasadžany ŭ avaryjnym režymie na najbližejšym aeradromie ŭ Rastoŭskaj vobłaści.
Vajskovaja avijacyja Rasii praciahvaje viadzieńnia pavietranaj raźviedki i patrulavańnia ŭzdoŭž rasijska-ŭkrainskaj miažy. Učora, 17 lipienia, u 11:40 pamiežniki zafiksavali palot 8 viertalotaŭ RF uzdoŭž linii miažy nasuprać učastka adkaznaści adździeła pamiežnaj słužby «Amvrosijeŭka» Danieckaha atrada.
U 03.55 18 lipienia zafiksavana palot bieśpiłotnaha latalnaha aparata ŭzdoŭž bierahavoj pałasy ŭ kirunku n.p. Novaazoŭsk.
Kamientary