Pieršy ŭ Biełarusi handlovy centr stokavaha handlu adkryjecca ŭ pačatku 2015 hoda. Ab hetym paviedamili ŭ hrupie kampanij «Tvaja stalica», śpiecyjalisty jakoj źjaŭlajucca raspracoŭščykami inavacyjnaj kancepcyi centra.
Centr pastajannaha rasprodažu Leto źjavicca ŭ Minsku. Sutnaść idei ŭ tym, što na płoščy 15 tys.kv.m buduć pradstaŭleny mahaziny stokavaha handlu, dyskontnyja mahaziny, a taksama mahaziny, handlovaja palityka jakich praduhledžvaje pastajannyja rasprodažy. Taksama ŭ skład centra ŭvojduć bujny supiermarkiet i kafe poŭnaha cykła na 170 pasadačnych miesc. Takoje spałučeńnie apierataraŭ daść mahčymaść pryciahnuć nie tolki minčukoŭ, ale i žycharoŭ z usioj Biełarusi, ličać u hrupie kampanij.
Pavodle słoŭ śpiecyjalistaŭ «Tvajoj stalicy», u jeŭrapiejskich krainach, a taksama ŭ Maskvie davoli papularny tak zvanyja aŭtlety — handlovyja centry, u jakich pradajucca minułahodnija kalekcyi viadomych brendaŭ sa značnymi skidkami. «Stvaryć u Biełarusi aŭtlet u pryvyčnym dla jeŭrapiejcaŭ razumieńni pakul niemahčyma z-za małoj kolkaści pradstaŭlenych na rynku mižnarodnych brendaŭ. Adnak popyt z boku biełaruskaha nasielnictva na pakupki sa skidkami, biezumoŭna, jość, mnohija da hetaha času jeździać za tavarami za miažu», — adznačyli ŭ kampanii.
Handlovy centr Leto budujecca na praśpiekcie Žukava na miescy byłoha taksaparku. «Najbolš zručna budzie dabiracca žycharam mikrarajonaŭ Kurasoŭščyna, Paŭdniovy Zachad, Michałova i Hrušaŭka, a taksama žycharam nasielenych punktaŭ, raźmieščanych uzdoŭž čyhunki ŭ napramku Bresta, pakolki pobač z handlovym centram znachodzicca prypynačny punkt pryharadnych elektrapajazdoŭ «Staličny», — paviedamili raspracoŭščyki kancepcyi.
Zabudoŭščykam centra vystupaje vytvorča-handlovaje AAT «BiełHAZaŭtaservis». U realizacyju prajekta płanujecca invieściravać bolš jak $40 młn. Ahulnaja płošča abjekta — 23,7 tys.kv.m, jaho ŭvod u ekspłuatacyju zapłanavany na śniežań 2014 hoda.
Ciapier čytajuć
Ahientka Kardaš vykarystoŭvała seks, kab źbirać infarmacyju pra kalinoŭcaŭ i zavierbavać ukrainskaha kamandzira. A kurataru KDB pisała pra jaho: «Moj łoch»28
Ahientka Kardaš vykarystoŭvała seks, kab źbirać infarmacyju pra kalinoŭcaŭ i zavierbavać ukrainskaha kamandzira. A kurataru KDB pisała pra jaho: «Moj łoch»
Učora — u łukašenkaŭskaj turmie, siońnia — u Kijevie dapamahaje ŭkraincam vyžyć. Były palitviazień i svajak Cichanoŭskaj staŭ vałancioram u Punkcie niazłomnaści66
Učora — u łukašenkaŭskaj turmie, siońnia — u Kijevie dapamahaje ŭkraincam vyžyć. Były palitviazień i svajak Cichanoŭskaj staŭ vałancioram u Punkcie niazłomnaści6
Chočacie žyć doŭha — šukajcie rajon z narmalnymi drevami. Navukoŭcy vyśvietlili, što drevy ratujuć ad infarktaŭ, a hazony mohuć navat naškodzić zdaroŭju44
Kamientary