Supracoŭnikami milicyi i padatkovaj inśpiekcyi 22 lipienia kala adnaho sa staličnych rynkaŭ byŭ zatrymany raspaŭsiudnik nasvaju z 13 kh rečyva, pafasavanaha ŭ 528 pakietaŭ, paviedamiła ŭpraŭleńnie infarmacyi i hramadskich suviaziej MUS Biełarusi.
Vyśvietlena, što na praciahu apošnich dvuch hadoŭ mužčyna, dziejničajučy ŭ składzie arhanizavanaj hrupy asob, naładziŭ pastaŭki i raspaŭsiud pablizu rynku nasvaju, vyrablenaha samatužnym sposabam.
Usiaho za šeść miesiacaŭ hetaha hoda ŭ Biełarusi ź niezakonnaha abarotu kanfiskavana 673 kh nasvaju. Składziena 24 administracyjnyja pratakoły ŭ dačynieńni da hramadzian, jakija zajmajucca jaho realizacyjaj.
U MUS kanstatujuć, što ŭ apošnija hady značna pavialičylisia abjomy pastavak u Biełaruś nasvaju, jaki nie adnosicca da narkatyčnych ci psichatropnych rečyvaŭ, ale karystajecca peŭnym popytam u maładziožnym asiarodździ.
Pa źviestkach Ministerstva achovy zdaroŭja, užyvańnie nasvaju vyklikaje pryvykańnie i adlustroŭvajecca na psichičnym raźvićci. Jak śviedčać śpiecyjalisty, rehularnaje ŭžyvańnie hetaha rečyva moža stać pieršym krokam da ŭžyvańnia narkatyčnych srodkaŭ abo psichatropnych rečyvaŭ.
Kamientary