Niepracujučy minčanin 1990 hoda naradžeńnia, znachodziačysia ŭ stanie ałkaholnaha apjanieńnia, streliŭ ź pnieŭmatyčnaha pistaleta ŭ rejsavy aŭtobus 8-ha maršrutu, paviedamili va Ŭpraŭleńni Śledčaha kamiteta Biełarusi pa Minsku.
Incydent adbyŭsia na prypynku hramadskaha transpartu ŭ Frunzienskim rajonie stalicy. Chulihan pasprabavaŭ schavacca ŭ lesaparkavaj zonie, ale jaho zatrymali supracoŭniki milicyi. Svoj učynak małady čałaviek patłumačyŭ drennym nastrojem z-za svarki ź dziaŭčynaj.
Svaimi dziejańniami mužčyna nanios škodu UP «Minsktrans», papiarednie acenienuju ŭ 516 000 rubloŭ. U dačynieńni da zatrymanaha raspačataja kryminalnaja sprava pa č.1 art.330 KK Biełarusi (chulihanstva, jakoje supravadžajecca paškodžańniem majomaści), jamu pahražaje pakarańnie ŭ vyhladzie pazbaŭleńnia voli na termin da 3-ch hadoŭ.
Vyśvietlena, što mužčyna ŭžo pryciahvaŭsia da kryminalnaj adkaznaści za kradziež i kiravańnie ŭ niećviarozym stanie.
Kamientary