Fiederalnaja słužba vieterynarnaha i fitasanitarnaha nahladu RF (Raśsielhasnahlad) z 28 lipienia ŭvodzić abmiežavańni na pastaŭki ŭkrainskaha małaka i małočnaj pradukcyi na terytoryju Rasii. Adpaviednaja infarmacyja raźmieščana na sajcie Raśsielhasnahlada.
«U suviazi ź nieadnarazovymi vyjaŭleńniami ŭ małaku i małočnaj pradukcyi, jakaja pastupaje ŭ Rasiju z Ukrainy, astatkaŭ zabaronienych i škodnych rečyvaŭ, uklučajučy astatkavuju kolkaść antybijotykaŭ tetracyklinavaj hrupy, soli ciažkich mietałaŭ, mikraarahanizmy, u tym liku patahiennyja, Raśsielhasnahlad pryniaŭ rašeńnie z 28 lipienia 2014 hoda ŭvieści abmiežavańni na pastaŭki ŭkrainskaha małaka i małočnaj pradukcyi na terytoryju Rasii», — havorycca ŭ paviedamleńni.
U viedamstvie padkreślili, što kali ŭ 2013 hodzie Raśsielhasnahlad zatrymaŭ 37 tavarnych partyj niedabrajakasnaj i niebiaśpiečnaj ukrainskaj małočnaj pradukcyi, to ŭ pieršym paŭhodździ 2014 hoda - užo 196. Ab kožnym vypadku vyjaŭleńnia niedabrajakasnaj i niebiaśpiečnaj pradukcyi Raśsielhasnahlad paviedamlaŭ vieterynarnaj słužbie Ukrainy z prośbaj pravieści słužbovaje rasśledavańnie, pradstavić jaho vyniki i pryniać kankretnyja miery pa ŭstaranieńni pryčyn parušeńniaŭ.
«Takija materyjały Raśsielhasnahladu pradstaŭleny nie byli. Pałažeńnie ŭskładniajecca i adsutnaściu z ukrainskaha boku pahraničnaha vieterynarnaha kantrolu», — havorycca ŭ paviedamleńni.
Kamientary