MVF pahoršyŭ prahnoz rostu biełaruskaj ekanomiki: jon składzie 0,9% za hod
Mižnarodny valutny fond pierahledzieŭ prahnoz rostu vałavoha ŭnutranaha praduktu Biełarusi. Zhodna ź lipieńskaj acenkaj fondu ŭ 2014 hodzie jon składzie 0,9% suprać 1,6% pa krasavickaj acency.»Praciahniecca pavolny ekanamičny rost i zachavajucca stojkija źniešnija dysbałansy, adnak ryzyki vysokija i źmieščanyja ŭ bok paharšeńnia», — havorycca ŭ paviedamleńni MVF.
Ekśpierty fondu źviartajuć uvahu, što popyt u Rasii, jakaja źjaŭlajecca asnoŭnym rynkam zbytu biełaruskich tavaraŭ, zastaniecca słabym, a ŭnutrany popyt na biełaruskuju pradukcyju zapavolvajecca.
Jak paviedamlaŭ Biełstat, u pieršym paŭhodździ pryrost VUP skłaŭ 1,2%.
Na dumku ekśpiertaŭ fondu, inflacyja ŭ Biełarusi sioleta składzie 16% (fakt za pieršaje paŭhodździe — 10,2%). Taksama na vysokim uzroŭni jany aceńvajuć deficyt biahučaha rachunku płaciežnaha bałansu krainy ŭ 2014 hodzie — na ŭzroŭni 8,75% VUP z-za «słabaha źniešniaha popytu, nizkaj kankurentazdolnaści, a taksama mier ekanamičnaj palityki, jakaja praciahvaje zastavacca zanadta miakkaj».
U suviazi z hetym fond rekamiendavaŭ biełaruskim uładam «pryniać rašučyja miery», nakiravanyja na pahłybleńnie reform, što dazvolić ustaranić pieraškody «na šlachu bolš vysokaha i ŭstojlivaha rostu».
Ekśpierty fondu vykazvajuć zakłapočanaść, što ŭ Biełarusi da apošniaha času naziralisia vysokija tempy kredytavańnia. Na dumku MVF, rost zarabotnaj płaty pavinien być uzhodnieny z tempami pavyšeńnia pradukcyjnaści pracy, «kab paźbiehnuć rostu inflacyi i adnavić kankurentazdolnaść».
Akramia taho, fond rekamienduje spynić valutnyja interviencyi i zabiaśpiečyć hnutkaść kursavoj palityki, što sadziejničała b umacavańniu kankurentazdolnaści biełaruskaj pradukcyi na źniešnich rynkach.
Ciapier čytajuć
Kaleśnikava: «Mianie šakuje maštab nianaviści i ahresii». Maryja patłumačyła, što dla jaje značyć viartańnie da narmalnaści41
Kaleśnikava: «Mianie šakuje maštab nianaviści i ahresii». Maryja patłumačyła, što dla jaje značyć viartańnie da narmalnaści
«Uśviedamlaju, što mahu stać pieršaj biełaruskaj, jakaja naviedaje ŭsie krainy śvietu». Padarožnica ź Minska razmaŭlaje na 8 movach i maryć pražyć 200 hadoŭ1010
Kamientary