Leta niaŭmolna imkniecca da svajho zaviaršeńnia, i dla taho, kab zrabić jaho niezabyŭnym i niepaŭtornym, zastajecca ŭsio mienš času. Vydatnaj krynicaj jarskravych letnich emocyjaŭ i ŭražańniaŭ moža stać
Mirum Music Festival 2014, jaki adbudziecca 9 žniŭnia ŭ malaŭničym miescy Biełarusi – na adkrytaj placoŭcy kala Mirskaha zamka.
Arhanizatary fiestyvalu prapanujuć źjechać ad šumu vialikich haradoŭ i akunucca ŭ vir vydatnaj muzyki i ramantyčnaj atmaśfiery Mirskaha zamka.
Fiestyval projdzie ŭ treci raz i budzie doŭžycca ź viečara 9 žniŭnia (pačatak a 18-aj hadzinie) da ranicy 10 žniŭnia.
«Mirum Music Festival 2014» — heta žyvaja atmaśfiera leta i vydatny skład artystaŭ, muzyka jakich zmoža zadavolić husty samych patrabavalnych miełamanaŭ. Muzyčnyja pradstaŭleńni razhornucca adrazu na dźviuch placoŭkach: na hałoŭnaj scenie na Zialonym łuzie pierad Mirskim zamkam svaju tvorčaść pradstaviać džazavyja i bluzavyja vykanaŭcy, a na letniaj terasie kafe-bara «Mirum» buduć hučać dydžejskija sety.
Chedłajnieram hałoŭnaj sceny stanie niepaŭtornaja Nino Katamadze, jakaja, dziakujučy svajmu vykanalnickamu talentu i nievierahodnaj zdolnaści da impravizacyi, atrymała viadomaść nie tolki na radzimie, u Hruzii, ale i daloka za jaje miežami.
Vystupić Nino Katamadze ŭ supravadžeńni hurtu «Insight».
Taksama na asnoŭnaj placoŭcy adbuducca vystupy džazavaj vykanaŭcy z Rasii Niny Karłsan (Nina Karlsson), śpiavačak Safi Vili (Ukraina) i Mihle Vilštejn (Migloko) (Litva). Biełaruś budzie pradstaŭlenaja prajektam «Shuma» i «Mustelide». Artystam z hetaha hurta atrymałasia złučyć sučasnuju elektronnuju muzyku ź biełaruskimi etničnymi matyvami – nastolki kampazicyi kalektyvu dziviać svajoj samabytnaściu i aryhinalnaściu hučańnia.
Vieści rej na placoŭcy terasy budzie kultavy łondanski dydžej Atjazz.
Kampaniju anhielcu składuć aŭstryjec Fantastic Man, a taksama ajčynnyja dydžei: BV, GAAMER, INDUSS, 50K, A GLADE, FUNKYJAWS, VERDE, ALEX D, FOUR WALSS, LAUREL.
Akramia intryhoŭnaj muzyčnaj prahramy, haściej fiestyvalu čakajuć: vystava miem-Muzieja Elektronnaj Muzyki, pradstaŭleńni ad Hrand Teatru i Teatru Lalek «Dom Sonca», art-vystava ad «RedBull», śvietłavyja instalacyi, zapusk novaha biełaruskaha fast-fudu «draniki-na-chodzie», pakaz filma ź sieryi «Tuzin. Niemaŭla» z muzykaj Siarhieja Puksta i mnostva inšych zabavaŭ.
Budzie praduhledžanaje miesca dla kempinhu, na jakim kožny achvočy zmoža razharnuć namiot.
Sioleta padtrymku fiestyvalu akaža Haradzienskaja abłasnaja fiłarmonija, jakaja vałodaje najlepšym mabilnym kompleksam u vobłaści, a heta aznačaje, što scena, huk, śviatło buduć na najvyšejšym uzroŭni!
Daviedki pa telefonach: + 375 (33) 617 07 42,
a taksama na sajcie: mirummusicfestival.by
Kamientary