«Drazdy» pierazapisali svaju znakamituju pieśniu «Chata baćkoŭ» na ruskaj movie
«Ažno vušy ścisnulisia», — pišuć u kamientarach.
Vital Karpanaŭ, frontmien «Drazdoŭ», raspavioŭ u instahramie, što hurt zapisaŭ ruskamoŭny varyjant pieśni «Chata baćkoŭ». Jon apublikavaŭ frahmient videa — razam ź im u kadry śpiavaje Juryj Stajanaŭ (naradziŭsia aktor u Adesie, ale pryncypova nazyvaje siabie ruskim artystam):
«Nie prodajotsia roditielskij dom,
Ziemla rodimaja nie prodajotsia.
Ja vozvraŝajuś, ja pomniu o niom.
I snova sierdcie čaŝie b́jotsia»
Pieśnia «Chata baćkoŭ» stała svojeasablivaj vizitoŭkaj hurta «Drazdy». Na YouTube klip na jaje nabraŭ rekordnyja dla «Drazdoŭ» 5,4 miljona prahladaŭ. Pieśnia sapraŭdy stała narodnaj. Biełarusy ŭ roznych kropkach śvietu śpiavali: «Nie pradajecca chata baćkoŭ».
Tamu i reakcyja na ruskamoŭnuju viersiju była nieadnaznačnaj. Videa ŭ instahramie nabrała ŭžo kala 600 tysiač prahladaŭ i 24 tysiačy łajkaŭ. Niechta piša, što hetaja pieśnia na luboj movie hučyć pryhoža, a niechta dadaje, što ŭnutry ŭsio roŭna śpiavaje jaje pa-biełarusku.
Jość i bolš rezkija vodhuki: «Ažno vušy ścisnulisia», «Zhadzili taki vydatny tvor», «Mnie baluča słuchać». Samy papularny kamientar, jaki nabraŭ amal tysiaču łajkaŭ, taki: «Niejeieje! Na biełaruskaj movie lepš hučyć».
Imavierna, ruskamoŭny varyjant pieśni zrabili dla biełaruska-rasijskaha filma «Baćkoŭski dom», pra zdymki jakoha letaś raspaviadaŭ Vital Karpanaŭ.
Heta siamiejnaja kamiedyja pra ściuardesu Dašu, jakaja pryjazdžaje ŭ rodnuju viosku, kab pradać babulin dom i raspłacicca z daŭhami. Zamiest prostaj ździełki, na jakuju raźličvała dziaŭčyna, jana traplaje ŭ čaradu kurjoznych situacyj, sutykajecca ź viasiołymi susiedziami i ŭpartym, ale abajalnym syravaram Mišam i jaho niaŭrymślivym plamieńnikam, jaki ŭvieś čas uciahvaje Dašu ŭ niejkija zdareńni.
Režysior Maksim Maksimaŭ, hałoŭnyja roli hrajuć Palina Maksimava i Raman Kurcyn. Premjera zapłanavana na kaniec krasavika.
23‑hadovy repier z Astraŭca zahinuŭ za Rasiju na vajnie. Pavajavaŭ jon, vidać, kala miesiaca17
23‑hadovy repier z Astraŭca zahinuŭ za Rasiju na vajnie. Pavajavaŭ jon, vidać, kala miesiaca
«Uśviedamlaju, što mahu stać pieršaj biełaruskaj, jakaja naviedaje ŭsie krainy śvietu». Padarožnica ź Minska razmaŭlaje na 8 movach i maryć pražyć 200 hadoŭ88
Kamientary
Nie, na maskoŭskaj ci akademična - manhoła bałharskaj . Na ruskaj byŭ statut napisana , aficyjnaja mova VKŁ