Vajskoviec adnoj z vajskovych častak Minskaha harnizona nie viarnuŭsia ŭ naležny termin sa zvalnieńnia, i jaho miescaznachodžańnie dahetul nieviadoma.
Pra heta paviedamiŭ načalnik upraŭleńnia infarmacyi hałoŭnaha ŭpraŭleńnia ideałahičnaj raboty Ministerstva abarony Biełarusi Uładzimir Makaraŭ.
«Vajskoviec byŭ adpuščany 8 žniŭnia ŭ zvalnieńnie terminam na troje sutak na viasielle da brata. Jon pavinien byŭ viarnucca ŭ vajskovuju častku 11 žniŭnia. Ale jon nie prybyŭ, i pra jaho miescaznachodžańnie pakul ničoha nie viadoma. Kali sałdat nie prybyvaje paśla zvalnieńnia, adrazu ž infarmacyja paviedamlajecca ŭ milicyju. Pakul rana kazać, ci možna heta nazvać samavolnym pakidańniem častki abo miesca słužby», — raspavioŭ pradstaŭnik Minabarony.
Prystupili da pošuku źnikłaha sałdata i vałanciory pošukava-vyratavalnaha atrada «Anioł». «Apošni raz vajskoviec 1991 hoda naradžeńnia byŭ zaŭvažany ŭ vioscy Pilnica (Minski r-n) kala 12 hadzin 11 žniŭnia 2014. Na suviaź z rodnymi nie vychodziŭ z 10 žniŭnia. Źnikły małady čałaviek byŭ apranuty ŭ ciomnyja džynsy, bežavuju majku, čornyja słancy, z saboj mieŭ vajennuju formu i biercy», — paviedamlaje atrad.
Ciapier čytajuć
U Minsku adbylisia masavyja zatrymańni vydaŭcoŭ i kniharaspaŭsiudnikaŭ5
Kamientary