Alaksandr Łukašenka patrabuje paskoryć tempy mielijaracyi ziamiel. Takuju zadaču jon pastaviŭ siońnia ŭ čas rabočaj pajezdki pa Hrodzienskaj vobłaści.
«Budučy hod pavinien stać pierałomnym pa rabocie ź ziamloj. Nam treba źviarnuć asablivuju ŭvahu na mielijaracyju ziamiel», — skazaŭ kiraŭnik dziaržavy.
«Mielijaracyjaj my zajmajemsia, ale słaba. Treba padvoić, a moža i ŭtroić namahańni», — padkreśliŭ Łukašenka. Jon źviarnuŭ uvahu na toje, što ŭ śviecie z hodu ŭ hod budzie ŭzrastać patrebnaść u praduktach charčavańnia. Na jaho dumku, u Biełarusi stvorana mahutnaja vytvorčaja baza, jakaja daść mahčymaść atrymlivać vysoki ŭradžaj, ale pad heta treba šukać ziamielnyja resursy.
Łukašenka nahadaŭ, što ŭ krainie niamała zrabili pa pryviadzieńni ŭ paradak mašynnych dvaroŭ, zbožžatakoŭ, małočnatavarnych, žyviołahadoŭčych kompleksaŭ, a taksama ŭ sacyjalnaj śfiery. «Ciapier treba ŭziacca za ziamlu, za infrastrukturu, za toje, za što pavinna adkazvać dziaržava, i mielijaracyja - pierš za ŭsio», — adznačyŭ kiraŭnik dziaržavy.
«Nie treba nam vieści mielijaracyju tymi tempami, jakija ŭ nas siońnia jość. My navučylisia heta rabić, stvaryli ŭ siabie praktyčna ŭsiu mielijaracyjnuju techniku, tamu treba ŭzmacniać rabotu ŭ hetym napramku», — padkreśliŭ Alaksandr Łukašenka. Jon adznačyŭ, što čakaje prapanoŭ ad vice-premjera Michaiła Rusaha i ministra sielskaj haspadarki i charčavańnia Leanida Zajca.
Łukašenka taksama adznačyŭ, što z borta viertalota paraŭnaŭ kulturu ziemlarobstva ŭ roznych rehijonach Biełarusi. Pavodle jaho słoŭ, tut vyhadna vyłučajecca Hrodzienskaja vobłaść, astatnim rehijonam nieabchodna padciahvacca.
Ciapier čytajuć
Pamiatajecie Asol Śliviec? Žyćcio frystajlistki źmianiłasia da niepaznavalnaści, ciapier jana Abihal5
Kamientary