Asnoŭnaja častka bajevikoŭ płanuje pakinuć Danieckuju vobłaść da 18 žniŭnia.
Pra heta ŭ chodzie bryfinhu zajaviŭ śpikier infarmacyjna-analityčnaha centra RNBA Andrej Łysienka.
Pavodle jaho słoŭ, pradstaŭniki DNR na čystych błankach pašpartoŭ hramadzian Ukrainy vyrablajuć fiktyŭnyja dakumienty, kab bieśpieraškodna pakinuć zonu ATA pad vyhladam biežancaŭ.
«Terarysty pieraapranajucca ŭ cyvilnaje adzieńnie, biaruć z saboj tolki pašparty i na pasažyrskim transparcie pad vyhladam mirnych žycharoŭ robiać sproby pierasiekčy błokpasty ŭkrainskich siłavikoŭ», — adznačyŭ Łysienka.
Pa dadzienych RNBA, na praciahu apošnich 3 sutak na błokpaście pad Debalcava (Danieckaja vobł.) Byli zatrymanyja 13 mužčyn va ŭzroście ad 20 da 45 hadoŭ, jakija padazrajucca ŭ terarystyčnaj dziejnaści. Zatrymańni adbyvalisia dziakujučy infarmacyi, jakaja pastupaje ŭ štab ATA ad miascovych žycharoŭ.
«Siarod zatrymanych — palavy kamandzir łuhanskaj terarystyčnaj hrupoŭki. Ciapier jon daje pakazańni», — adznačyŭ Łysienka.
U Daniecku i Horłaŭcy bajeviki sprabujuć papoŭnić svaje šerahi hvałtoŭnaj «mabilizacyjaj» miascovaha nasielnictva.
Kala 300 bajevikoŭ, jakija zastalisia ŭ Łuhansku, užo zdymajuć ściahi ŁNR z adminbudynkaŭ horada.
Ź Jenakijeva i Horłaŭki vyjazdžajuć čačenskija najmity.
«Kala 100 pradstaŭnikoŭ miascovaha kryminalitetu, jakija zastajucca ŭ hetych haradach, ažyćciaŭlajuć biazładnuju stralaninu pa žyłych kvartałach i mirnym žycharam», — dadaŭ śpikier RNBA.
U Daniecku terarysty praciahvajuć razburać infrastrukturu horada. U pryvatnaści, pa vynikach abstrełu 15 žniŭnia z pryvakzalnaj płoščy ŭ horadzie abiastočany 52 transfarmatarnyja padstancyi, kala 35 tysiač čałaviek zastajucca biez elektraenierhii, paviedamiŭ Łysienka.
Akramia taho terarysty zaminiravali most pamiž šachtami «Standart» i «Junkom» u rajonie pasiołka Nižniaja Krynka pad Jenakijevam.
Zaminiravany niamała abjektaŭ i asobnych učastkaŭ u hetaj miascovaści. Taksama ŭzbrojenyja bajeviki zachapili ŭ Stachanavie dva aŭtamabili UAZ i adzin VAZ, jaki naležaŭ «Stachanaŭskamu mašynabudaŭničamu zavodu».
Ciapier čytajuć
Za minuły hod nasielnictva Biełarusi skaraciłasia jašče na 53 tysiačy čałaviek15
Kamientary