20 žniŭnia Tamara Sialun, maci rasstralanaha sioleta ŭ krasaviku za zabojstva dźviuch asob Paŭła Sieluna, pryjechała ŭ Hrodzienski abłasny sud zabrać rečy syna. Tam joj vydali niekalki dziasiatkaŭ kasiet, kampakt-dyskaŭ, płaścinak, mabilnyja telefony i inšyja pradmiety, jakija naležali Paŭłu.
Tamaru Sialun supravadžali hrodzienskija pravaabaroncy i žurnalisty. Žančynaskazała, što joj było vielmi ciažka psichałahična nastroicca na hety pryjezd, ale joj byŭ dasłany dakumient, što da 1-ha vieraśnia hetaha hoda jana musić zabrać hetyja rečy.
Situacyju kamientujuć hrodzienskija pravaabaroncy:
Viktar Sazonaŭ: «Śmiarotnaje pakarańnie – heta dzikunstva, i kožny hramadzianin našaj krainy adkazny ŭ toj ci inšaj stupieni za toje, što jano ŭžyvajecca. Kali, prykładam, adbudziecca sudovaja pamyłka i čałavieka rasstralajuć pamyłkova, to kroŭ niavinna zabitaha na kožnym hramadzianinie toj dziaržavy, jakaja dazvalaje sabie zabivać ludziej. My, jak pravaabaroncy, pavinny prykłaści ŭsie namahańni, kab śmiarotnaje pakarańnie było najchutčej admieniena».
Raman Jurhiel: «Maralna vielmi ciažka nie tolki svajakam zabitych u vyniku niejkaha złačynstva, ale i svajakam asudžanych, tych, kaho rasstralali ad imia dziaržavy.Hramadstva pavinna być bolš humannym da ŭsich, a dziaržava pieradusim pavinna na zakanadaŭčym uzroŭni ŭvieści maratoryj na śmiarotnaje pakarańnie, kab nie pamnažać nianaviść u hramadstvie».
http://spring96.org/be/news/72676
Kamientary