21 žniŭnia zvyčajny školnik z horada Bierazino abliŭsia ažno tryma viodrami vady i zrabiŭ vyklik Alaksandru Łukašenku.
Tak akcyja «vyklik ledzianoj vadoj» (Ice Bucket Challenge) dakaciłasia da Biełarusi. Kali Alaksandr Łukašenka na jaje adhukniecca, to musić ci sam ablicca ledzianoj vadoj, ci na praciahu 24 hadzin achviaravać 100 dalaraŭ na karyść fondu ALS Association, jaki inicyjavaŭ kampaniju.
14 žniŭnia hiendyrektar Facebook Mark Cukierbierh vyliŭ na siabie viadro ledzianoj vady i vykłaŭ videa ŭ internet. Takim čynam kiraŭnik Facebook vyrašyŭ pryciahnuć uvahu da vyvučeńnia nievylečnaha zachvorvańnia centralnaj niervovaj sistemy — bakavoha amijatrafičnaha sklerozu (ALS).
Pierad tym jak ablicca ledzianoj vadoj, kiraŭnik sacyjalnaj sietki zajaviŭ, što kidaje vyklik zasnavalniku Microsoft Biłu Hiejtsu i svaim namieśnikam u kampanii Facebook. Kožny ź ich pavinien byŭ na praciahu nastupnych 24 hadzin abo vylić na siabie viadro vady, abo achviaravać hrošy adnamu z fondaŭ baraćby z ALS.
Bił Hiejts pryniaŭ vyklik Cukierbierha i ŭ miežach dabračynnaj kampanii, jakaja atrymała nazvu «ALS Ice Bucket Challenge», abliŭsia vadoju i vykłaŭ videarolik u svaim akaŭncie na YouTube.
Z hetaha i pačałasia akcyja, jakaja ŭžo prymusiła ablicca vadoju tysiačy viadomych i nieviadomych ludziej pa ŭsim śviecie. Da taho ž usiaho za dva tydni kampanija dapamahła pryciahnuć 4 miljony dalaraŭ jak achviaravańni na zajaŭlenyja mety.
Papularny aktor Vin Dyzel užo kidaŭ vyklik Uładzimiru Pucinu — toj jaho nie pryniaŭ. Uziaŭ udzieł u akcyi i eks-prezident ZŠA Džordž Buš, skazaŭšy, praŭda, što ablivacca chałodnaj vadoj — «nie prezidenckaja sprava». Jon kinuŭ vyklik svajmu «kalehu» Biłu Klintanu.
U akcyja ŭžo pryniali ŭdzieł Lianel Mesi, Niejmar, Usejn Bołt, LeBron Džejms, Kaka, Novak Džokavič, Cherard Pikie, Miłaš Rajonič, Džon Tery, zbornaja ZŠA pa baskietbole dy inšyja papularnyja asoby.
Ciapier čytajuć
Łukašenka: Abmiarkoŭvajem z ZŠA vyzvaleńnie palitviaźniaŭ19
Kamientary