Ułady zabaranili śviatkavańnie 500-hodździa Aršanskaj bitvy
Siońnia mastak Mikoła Kupava, kiraŭnik arhkamitetu pa śviatkavańni 500-hodździa bitvy pad Oršaj, atrymaŭ aficyjny adkaz z aršanskaha rajvykankamu. Miascovyja čynoŭniki nie dali zhody na praviadzieńnie 6 vieraśnia na Krapivieńskim poli festu i kancertu.
Mikoła Kupava kaža, što admova hruntujecca na niapravilna aformlenaj zajaŭcy. «Maŭlaŭ, nie byli ŭkazanyja krynicy finansavańnia imprezy, taksama nie ŭklučyli zabiaśpiačeńnie mašyny chutkaj dapamohi. Nie, kab dać čas vypravić hetyja chiby, dyk adrazu idzie admova. Za niekalki dzion da samaho mierapryjemstva», - kaža mastak. Ciapier arhkamitet razhledzić inšyja mahčymaści adznačyć uhodki pieramohi vojskaŭ VKŁ na maskoŭcami.
8 vieraśnia 1514 hoda našy prodki pieramahli ŭ adnoj z samych značnych bitvaŭ taho času — pad Oršaj. Heta vialikaja pieramoha nad namnoha bolšym maskoŭskim vojskam, zdabytaja ŭ abarončaj vajnie, na svaich ziemlach i svajoj ža armijaj, kiravanaj svaim, pravasłaŭnym hietmanam.
U Minsku adbylisia masavyja zatrymańni vydaŭcoŭ i kniharaspaŭsiudnikaŭ33
Kamientary