Niahledziačy na pahrozy ZŠA, da Kuby ruchajecca sudna z rasijskim dyzielem
U kancy studzienia prezident ZŠA Donald Tramp zajaviŭ, što Vašynhton uviadzie myty suprać luboj krainy, jakaja budzie pastaŭlać naftapradukty na Kubu. Heta kraina sutyknułasia z vostrym deficytam paliva paśla spynieńnia pastavak syraviny ź Vieniesueły. Adnak 21 lutaha stała viadoma, što da bierahoŭ Kuby nakiroŭvajecca tankier Sea Horse, jaki, pavodle źviestak analityčnaj kampanii Kpler, moža pieravozić kala 200 tysiač baralaŭ rasijskaha dyzielnaha paliva, piša Bloomberg.
Čakajecca, što heta sudna prybudzie na Kubu ŭ pačatku sakavika. Paviedamlajecca, što paliva na jaho było zahružana praź pierahruzku ź inšaha karabla kala ŭźbiarežža Kipra.
Pakul nieviadoma, ci zmoža tankier dasiahnuć porta pryznačeńnia, uličvajučy toje, što ZŠA raniej zatrymali jak minimum dzieviać sudnaŭ, padazravanych u parušeńni sankcyj, źviazanych z pastaŭkami nafty.
Apošniuju partyju nafty Kuba atrymała 9 studzienia ź Mieksiki. Paśla spynieńnia vieniesuelskich pastavak situacyja z palivam na vostravie stała krytyčnaj: uźnikli prablemy z vytvorčaściu elektraenierhii, transpartam i navat z zabieśpiačeńniem palivam avijakampanij. Pavodle spadarožnikavych zdymkaŭ, uzrovień načnoha aśviatleńnia na vostravie źniziŭsia prykładna na pałovu.
U Kramli situacyju nazvali składanaj. Pres-sakratar prezidenta Rasii Dźmitryj Piaskoŭ zajaŭlaŭ, što sankcyjny cisk ZŠA stvaraje surjoznyja ciažkaści dla Kuby. Ministr zamiežnych spraŭ Rasii Siarhiej Łaŭroŭ padkreślivaŭ hatoŭnaść Maskvy akazvać Havanie palityčnuju i materyjalnuju padtrymku.
Raniej rasijskaje pasolstva ŭ Havanie paviedamlała pra padrychtoŭku novych pastavak nafty i naftapraduktaŭ, jakija płanujecca nakiravać u jakaści humanitarnaj dapamohi.
Kuba daŭno nie žyła dobra. Pry hetym jaje ekanamičnaja madel i demahrafičnaje padzieńnie mocna nahadvaje łukašenkaŭskuju. Joj kaniec?
Tramp pahražaje Kubie: Zaklučycie ździełku, pakul nie pozna
Tramp pra Kubu: Ja nie dumaju, što možna bolš nacisnuć na Kubu, čym prosta ŭvarvacca da ich i raźnieści tam usio
Na Kubie zastałosia zapasaŭ nafty na dva-try tydni
Ciapier čytajuć
Maŭrykij, Siejšeły, Šry-Łanka i nie tolki: pahladzieli, kudy źbiehli ad biełaruskich marazoŭ praŭładnyja artysty i viadučyja15
Kamientary
[Zredahavana]
A kubinskija kamunisty ŭparta supraciviacca źmienam, adstajučy ad krain hłabalnaha poŭdnia. Kłasika žanru.