U Minsku 10 vieraśnia startavaŭ papiaredni etap čempijanatu Biełarusi pa handbole. Matčam adkryćcia stała sustreča pamiž kamandami «Viciaź» (RDVAR-BDEU, Minsk) i BHK-2 (Brest). Minčanie byli macniejšymi — 37:26.
Hałoŭny sudździa čempijanatu Alaksandr Hrečyn raskazaŭ: «Hety 23-ci čempijanat projdzie prykładna pa toj ža schiemie, što i letaś. Adroźnieńnie — tolki ŭ źmienie składu kamand: na žal, zaviaršyli svajo isnavańnie takija kłuby, jak minskija «Dynama» i «Viktoryja-Rehija». Ale źjavilisia dźvie novyja kamandy, jakija zapoŭnili vyzvalenyja nišy.
Schiema rozyhryšu takaja: spačatku idzie svajho rodu adbor u vyšejšuju lihu, potym surjoznyja hulni za prava trapić u plej-of i na druhim etapie hulać z bresckim kłubam BHK. U suviazi z tym što brestaŭčanie trapili ŭ hrupavy etap Lihi čempijonaŭ, jany na pieršym etapie nacyjanalnaha pieršynstva nie hulajuć. U BHK budzie vielizarnaja praktyka ŭ Lizie čempijonaŭ i SEHA-lizie, tamu jany pačynajuć čempijanat z druhoha etapu. Čakajem vielmi napružanuju baraćbu na ŭsich etapach, a ŭ zaviaršeńnie — spartyŭnuju baraćbu pamiž BHK i SKA za prava ŭznačalić naš čempijonski ruch».
Ciapier čytajuć
Ad pryvatnikaŭ patrabujuć zavieści ideołaha ŭ štacie — raspytali, što robiać kampanii19
Kamientary