Paradak uładkavańnia ŭ škoły Biełarusi dziaciej z Ukrainy pradstaŭleny na partale Minadukacyi
U suviazi sa zvarotami hramadzian pa pytańniach uładkavańnia dziaciej z Ukrainy va ŭstanovy adukacyi Biełarusi raspracavany śpiecyjalny ałharytm, u jakim pradstaŭniki dziciaci mohuć znajści adkazy na ŭsie pytańni.
Ałharytm pradstaŭleny na partale Ministerstva adukacyi ŭ raździele «Aktualna», paviedamiła kpres-sakratar viedamstva Julija Vanina.
U dakumiencie źmieščana infarmacyja pa ŭsich pytańniach daškolnaj, ahulnaj siaredniaj, prafiesijnaj i vyšejšaj adukacyi. Kali dzicia pavinna naviedvać daškolnuju ŭstanovu, treba źviarnucca ŭ miascovy vykanaŭčy i rasparadčy orhan pa miescy znachodžańnia ŭstanovy adukacyi, heta značyć u adpaviednaje ŭpraŭleńnie (adździeł) adukacyi, sportu i turyzmu. U dakumiencie pradastaŭleny kantaktnyja danyja śpiecyjalistaŭ upraŭleńniaŭ adukacyi abłvykankamaŭ, kamiteta pa adukacyi Minharvykankama, jakija kuryrujuć pytańni daškolnaj adukacyi.
Pa pytańni atrymańnia prafiesijna-techničnaj adukacyi treba źviartacca niepasredna va ŭstanovu adukacyi. Pry najaŭnaści dazvołu na pastajannaje pražyvańnie ŭ Biełarusi abo statusu biežanca hramadzianin Ukrainy maje prava pastupać u dziaržaŭnyja ŭstanovy prafiesijna-techničnaj adukacyi jak hramadzianin Biełarusi i navučacca za košt srodkaŭ respublikanskaha i (abo) miascovych biudžetaŭ.
Pry praviadzieńni pracedury pryznańnia ŭ adnosinach da dypłomaŭ mahistraŭ farmacyi, atrymanych pry navučańni na zavočnaj formie ŭ VNU Ukrainy, pryniata rašeńnie prymianiać normy pahadnieńnia pamiž uradami Biełarusi i Ukrainy ad 6 lutaha 1998 hoda «Ab uzajemnym pryznańni i ekvivalentnaści dakumientaŭ ab adukacyi i vučonych zvańniach» biez uliku nieadpaviednaści formy atrymańnia adukacyi, praduhledžanaj dla hetaha ŭzroŭniu adukacyi i śpiecyjalnaści ŭ Biełarusi. Dla atrymańnia adpaviednaha paśviedčańnia ab pryznańni ŭkrainskaha dakumienta ab adukacyi i ŭstanaŭleńni jaho ekvivalentnaści (adpaviednaści) z dakumientam ab adukacyi Respubliki Biełaruś nieabchodna źviarnucca ŭ Respublikanski instytut vyšejšaj škoły.
Kantakty pradstaŭnikoŭ usioj sistemy pa abłaściach i napramkach taksama źmieščany ŭ dakumiencie.
-
«Tolki try čałavieki buduć viedać pra vas. Samy pieršy čałaviek krainy». Źjavilisia zapisy razmoŭ špijonki Iny Kardaš z kurataram
-
«Bajsoł» abvinavaciŭ Stryžaka ŭ admovie pieradać kantrol nad jurydyčnymi asobami ŭ Polščy i ZŠA
-
Departavanym palitviaźniam, kab abžycca na novym miescy, zaraz treba prostyja rečy: vopratka, posud, paściel — zbor
«Tolki try čałavieki buduć viedać pra vas. Samy pieršy čałaviek krainy». Źjavilisia zapisy razmoŭ špijonki Iny Kardaš z kurataram11
«Tolki try čałavieki buduć viedać pra vas. Samy pieršy čałaviek krainy». Źjavilisia zapisy razmoŭ špijonki Iny Kardaš z kurataram
«Łukašenka pavinien panieści adkaznaść za saŭdzieł u rasijskaj ahresii». Ministr zamiežnych spraŭ Ukrainy raskazaŭ pra novuju palityku ŭ dačynieńni da Biełarusi1818
Kamientary