Płan Parašenki: Amnistyja i asablivy status Danbasa na try hady
Prezident Ukrainy Piatro Parašenka zaklikaŭ narodnych deputataŭ «z asablivaj adkaznaściu» pastavicca da razhladu jaho zakonaprajektaŭ, jakija tyčać urehulavańnia situacyi na Danbasie.
Pra heta jon skazaŭ u paniadziełak na naradzie z kiraŭnikami deputackich frakcyj i hrup, paviedamlaje pres-słužba ŭkrainskaha prezidenta.
Siarod ich — inicyjatyva ab nadańni asablivaha statusu asobnym rajonam Danieckaj i Łuhanskaj na try hady i amnistyja tym, chto nie ździejśniŭ ciažkich złačynstvaŭ.
Parašenka skazaŭ, što klučavymi elemientami mirnaha płana, ź jakimi jon išoŭ na prezidenckija vybary, byli pytańni asablivaha statusu asobnych rajonaŭ Danieckaj i Łuhanskaj abłaściej, «jakija de-fakta źjaŭlajucca elemientami decentralizacyi z poŭnym i biezumoŭnym vykanańniem suvierenitetu, terytaryjalnaj cełasnaści i niezaležnaści dziaržavy, z harantavanaj prynaležnaściu dziaržavie ŭsich asnoŭnych atrybutaŭ, uklučajučy źniešniuju, palityku biaśpieki, pravavuju palityku».
Spadar Parašenka adznačyŭ, što asablivy status prapanujecca pradastavić na try hady.
«Za hety čas u nas budzie mahčymaść uvieści ŭ žyćcio pytańni hłybokaj decentralizacyi, jakija taksama pavinny być pradmietam ŭniasieńnia adpaviednych źmianieńniaŭ u Kanstytucyju», — skazaŭ prezident Ukrainy.
Amnistyja
Parašenka taksama skazaŭ, što zhodna z prapanavanym zakonaprajektam ab amnistyi, pad vyzvaleńnie ad adkaznaści nie padpadajuć tyja, chto ździejśniŭ złačynstva pa šerahu artykułaŭ Kryminalnaha kodeksa: u pryvatnaści, pa naŭmysnych zabojstvach, teraryźmie, zamachu na žyćcio dziaržaŭnaha dziejača, rabotnika pravaachoŭnych orhanaŭ, sudździ, zhvałtavańnie, maradziorstva, ździeki nad zahinuŭšymi, ździeki nad pomnikami.
«Astatnija artykuły — heta absalutna narmalnaja suśvietnaja praktyka — źjaŭlajecca instrumientam, jaki dazvalaje pačać palityčnuju realizacyju prahramy pa ŭkaranieńni miru.
Niama zaraz bolš važnaj zadačy dla nas, čym mir.
I heta klučavyja pazicyi, jakija jaho zabiaśpiečać. Źviartaju vašu ŭvahu, što zryŭ hetaha pracesu ciahnie niepradkazalnyja nastupstvy, i kožny z vas moža zrazumieć, jakija», - skazaŭ Parašenka.
Adnačasova na sajcie Viarchoŭnaj Rady ŭ raździele zarehistravanych zakonaprajektaŭ pakul niama zhadanych prezidentam zakanadaŭčych inicyjatyŭ.
Ciapier čytajuć
Advakat Kanavałava, rasstralanaha za terakt u mietro, upieršyniu raskazaŭ, što adbyvałasia padčas śledstva2
Advakat Kanavałava, rasstralanaha za terakt u mietro, upieršyniu raskazaŭ, što adbyvałasia padčas śledstva
Ciahnik Pinsk—Minsk spyniŭsia pad Dziaržynskam biez aciapleńnia. Paśla prybyćcia ŭ stalicu pasažyraŭ razabrali ludzi z sacsietak i raźvieźli pa chatach1515
Kamientary