Zajavy Rasii pra nibyta kiepskaje stanovišča nacyjanalnych mienšaściej u dziaržavach Bałtyi vyklikajuć zaniepakojenaść, adnak treba padzialać zajavy palitykaŭ i «samaadčuvańnie» samich nacyjanalnych mienšaściaŭ, kaža staršynia siejma Litvy Łareta Hraŭžynienie.
«Da kožnaha takoj zajavy treba stavicca z usioj surjoznaściu, tamu što i va Ukrainie ŭsio pačałosia z zajaŭ, ź niezadavolenaści, niejkich ruchaŭ. Sapraŭdy hetak ža Vialikabrytanija — jana nijak nie spadziavałasia, što adździaleńnie Šatłandyi moža mieć takuju padtrymku. Tak što takija maleńkija iskry vyklikajuć surjoznyja dziejańni», — skazała ŭ sieradu śpikier radyjostancyi Ziniu radijas.
Pavodle jaje słoŭ, nieabchodna praanalizavać, čamu tak adbyvajecca, i reahavać na sihnały. Adnak jana taksama paćvierdziła, što ŭ Litvie varta padzialać toje, što kažuć niekatoryja palityki, i toje, jak na samoj spravie adčuvajuć siabie nacyjanalnyja mienšaści.
«Jość pytańnie, ci adčuvajuć siabie drenna palityki ci ž ludzi polskaj nacyjanalnaści. Ja b ich padzialała», - skazała Hraŭžynienie.
Jana taksama nahadała svaju pazicyju ab tym, što Zakon ab nacyjanalnych mienšaściach nie źjaŭlajecca pryjarytetnym, tamu što pytańni padymaje «tolki adna nacyjanalnaja hrupa», a ŭ Litvie ich niekalki.
«Adziny kanflikt byŭ z pavažanym kiraŭnikom Vybarčaj akcyi palakaŭ Litvy Tamašeŭskim. Ale kali kantaktuješ z samimi hramadzianami Litoŭskaj Respubliki palakami, to u mnohich ź ich inšaje mierkavańnie. Ja dumaju, što kanflikt raspalvajecca štučna», — skazała Hraŭžynienie.
Ciapier čytajuć
Babaryka: Kali b my pieramahli — vajny va Ukrainie nie było b21
Babaryka: Kali b my pieramahli — vajny va Ukrainie nie było b
Babaryka turemščykam: «U mianie było, ciapier niama, ale jość šaniec, što budzie. A ŭ vas nie było, niama i nie budzie. I ŭ vašych dziaciej nie budzie»77
Kamientary