Na hetym tydni ŭ Lidzie adbyłosia niekalki rabavańniaŭ. U adzin dzień dva padobnyja złačynstvy byli ździejśnienyja ŭ adnoj kramie pa vulicy Savieckaj.
Jak paviedamlaje UUS Hrodzienskaha abłvykankama, złačynstva ździejśnili niepracujučyja miascovyja žychary
Spačatku prykładna ŭ 11.30 «papracavaŭ» raniej sudzimy miascovy žychar 1957 hoda naradžeńnia, na vačach u naviedvalnikaŭ jaki vykraŭ butelku harełki z pryłaŭka. Ałkahol jamu patrebien byŭ, kab pachmialicca, a hrošaj u kišeni nie znajšłosia. Padazravanaha praz paru hadzin zatrymaŭ narad departamienta achovy.
Bolš vysakarodny tavar spatrebiŭsia znoŭ ža raniej sudzimamu lidčuku, pa vieku maładziejšamu za papiaredniaha pakupnika na dvaccać try hady. Mužčyna adkryta vykraŭ dźvie pački masła. Na hety raz, kab zatrymać padazravanaha, da spravy pryjšłosia padklučycca opieru kryminalnaha vyšuku. Rabaŭnik vykradzienaje tak i nie viarnuŭ.
19 vieraśnia ŭ hetym ža horadzie była ažyćcioŭlena sproba rabavańnia. U apieratyŭnaj zvodcy fihuruje krama pa vulicy Taŭłaja, u jakim raniej sudzimy za kradziež miascovy žychar sprabavaŭ skraści butelku nastojki. Mužčynu zatrymali na miescy złačynstva.
Va ŭsich troch vypadkach raspačatyja kryminalnyja spravy pa artykule 206 KK (rabavańnie).
Kamientary