Marš miru ŭ Maskvie pačaŭsia ŭ 17:00 (pa mask. časie) i prajšoŭ pa maršrucie ad mietro «Puškinskaja» da praśpiekta Sacharava. Mitynhoŭcy skandavali: «Pucin, von!», nieśli dziaržaŭnyja rasijskija i ŭkrainskija ściahi.
Pravakatary sprabavali razharnuć transparant «Marš zdradnikaŭ», kidalisia zialonkaj i jajkami. Asobnyja hrupy stajali na tratuarach sa ściahami «Navarosii». Na aharodžach źjavilisia abraźlivyja nadpisy ŭ adras Andreja Makareviča.
Marš skončyŭsia a 19-j (pa mask. časie). Praviadzieńnie mitynha nie było ŭzhodniena ŭładami.
Supracoŭniki palicyi ŭ miehafony zaklikajuć ludziej razyścisia i vyzvalić prajeznuju častku. Miž tym, udzielniki Maršu nie śpiašajucca razychodzicca, i iduć biaskoncym patokam pa vulicach i bulvarach.
Hety «Marš miru» akazaŭsia samaj maštabnaj akcyjaj za apošni čas. «Doždž» sa spasyłkaj na dadzienyja «Sajuza naziralnikaŭ Rasii» (Sonar), jaki padličvaŭ ludziej la ramak mietałašukalnikaŭ, paviedamlaje, što na Marš pryjšli 26,1 tysiačy čałaviek.
Pavodle palicyi, u Maršy udzielničali 3 tys.
U Pieciarburhu Marš miru, jaki nie byŭ uzhodnieny ź miascovymi ŭładami, prachodziŭ u farmacie narodnaha schodu la Kazanskaha sabora, dzie sabralisia kala dźviuch tysiač čałaviek. Raniej aktyvisty prajšli ad mietro «Horkaŭskaja» praz Trajecki most da Marsavaha pola. Niekatorych z demanstrantaŭ zatrymała palicyja.
U Navasibirsku niesankcyjanavanuju akcyju razahnali supracoŭniki palicyi.
Siońniašni Marš miru staŭ praciaham adnajmiennaj antyvajennaj akcyi, jakaja prajšła ŭ Maskvie 15 sakavika.
Vynieśli prysud Palinie Zyl — błohiercy, jakaja stała nulavym pacyjentam spravy Hajuna, bo ŭ jaje znajšli tuju samuju spasyłku ad Matolki15
Kamientary