Rychtujecca čarhovy raŭnd pieramoŭ u Minsku kantaktnaj hrupy pa ŭrehulavańni kanfliktu va Ukrainie, dakładnaja data ich pačatku pakul nie pryznačana, paviedamiŭ 27 vieraśnia žurnalistam kiraŭnik samaabvieščanaj «Łuhanskaj narodnaj respubliki» Ihar Płatnicki.
U čaćvier, 25 vieraśnia, prezident Ukrainy Piatro Parašenka zajaŭlaŭ, što čarhovyja kansultacyi kantaktnaj hrupy pa ŭrehulavańni situacyi na Danbasie mohuć prajści na nastupnym tydni. Pavodle jaho słoŭ, kansultacyi mohuć adbycca ŭ režymie videakanfierencyi.
«Rychtujecca čarhovy raŭnd pieramoŭ, data jašče nie ŭstanoŭlena, tamu što šmat pytańniaŭ, jakija my da kanca nie abmiarkoŭvali, baki nie nieśli jurydyčnaj adkaznaści za heta», — cytuje Płatnickaha RIA Novosti.
Tym časam pieršy vice-prem`ier samaabvieščanaj «Danieckaj narodnaj respubliki» Andrej Purhin u piatnicu, 26 vieraśnia, zajaŭlaŭ, što ŭ DNR nie bačać sensu ŭ novaj sustrečy ŭ Minsku, pakul nie buduć vykanany raniej dasiahnutyja damoŭlenaści. Jon adznačaŭ, što techničnyja momanty možna abmiarkoŭvać i ŭ režymie Skype-kanfierencyj.
U Minsku 5 vieraśnia pradstaŭniki trochbakovaj kantaktnaj hrupy (Ukraina — RF — ABSIE) i samaabvieščanych Danieckaj i Łuhanskaj narodnych respublik padpisali pratakoł mirnaha ŭrehulavańnia ab spynieńni ahniu, abmienie pałonnymi, advodzie ciažkaj techniki i stvareńni zon biaśpieki pad kantrolem naziralnikaŭ ABSIE.
U noč z 19 na 20 vieraśnia paśla šaścihadzinnych pieramoŭ u Minsku ŭdzielnikami kantaktnaj hrupy byŭ padpisany miemarandum. Klučavyja punkty płana — nieadkładnaje spynieńnie ahniu, stvareńnie 30-kiłamietrovaj bufiernaj zony, dzie budzie adsutničać ciažkaje ŭzbrajeńnie, abmien pałonnymi. Baki pieryjadyčna abvinavačvajuć adzin adnaho ŭ parušeńni režymu spynieńnia ahniu.
Ciapier čytajuć
Biełaruska nabiła na ciele partrety Łukašenki i jaho synoŭ, Umki, Pucina dy Si Czińpina20
Kamientary