Usie kniharni «Biełknihi» da kanca hoda asnaściać elektronnaj daviedačnaj sistemaj
Usie kniharni AAT «Biełkniha» da kanca 2014 hoda buduć asnaščanyja elektronnaj daviedačnaj sistemaj.
Ab hetym paviedamiła siońnia žurnalistam ministr infarmacyi Biełarusi Lilija Ananič na adkryćci kniharni ŭ Minsku.
«Dyrektar AAT «Biełkniha» Alaksandr Vaškievič nas zapeŭniŭ, što ŭ biahučym hodzie ŭ zale kožnaj kniharni budzie ŭstanoŭlena daviedačnaja sistema, a ŭ bujnych — pa dźvie abo try, kab kožny, chto prychodzić u handlovy abjekt, moh samastojna znajści nieabchodnuju knihu», — adznačyła ministr.
Daviedačnaja sistema stanie svojeasablivym navihataram padboru knih: jana budzie pakazvać, ci jość u kramie kniha, a kali nie — to ŭ jakim handlovym abjekcie jaje možna znajści.
«Heta sistema taksama budzie dobrym baromietram zapatrabavanaści knih i aŭtaraŭ nie tolki ŭ kankretnaj kramie, ale i ŭ knižnaj prastory krainy», — adznačyła Lilija Ananič. Možna budzie spynić sprečki ab tym, chto aŭtar, jakoha najbolš čytajuć, i inš. Atrymanyja danyja buduć karysnymi nie tolki arhanizacyjam, što realizujuć knihi, ale i knihavydaŭcam, ličyć ministr.
Pavodle infarmacyi Lilii Ananič, siońnia dziaržava vypuskaje pa sacyjalna značnych prajektach kala 130 knih z 11 tys. najmieńniaŭ, jakija vydajucca ŭ krainie.
«Hetyja 130 knih — tyja knihi, jakija moža vydavać tolki dziaržava. Mahčyma, ich budzie i bolš, naprykład, z nastupnaha hoda my płanujem na konkursnaj asnovie pryciahvać vialikuju kolkaść tvorčych kalektyvaŭ da raspracoŭki asobnych najbolš sacyjalna značnych prajektaŭ», — paviedamiła kiraŭnik Mininfarma.
Taksama ministr vykazała mierkavańnie, što pryjarytetnaje miesca ŭ kniharniach krainy pavinny zajmać knihi na biełaruskaj movie i knihi biełaruskich aŭtaraŭ.
Ciapier čytajuć
Kaleśnikava: «Mianie šakuje maštab nianaviści i ahresii». Maryja patłumačyła, što dla jaje značyć viartańnie da narmalnaści45
Kaleśnikava: «Mianie šakuje maštab nianaviści i ahresii». Maryja patłumačyła, što dla jaje značyć viartańnie da narmalnaści
«Uśviedamlaju, što mahu stać pieršaj biełaruskaj, jakaja naviedaje ŭsie krainy śvietu». Padarožnica ź Minska razmaŭlaje na 8 movach i maryć pražyć 200 hadoŭ1010
Kamientary