Minsk hatovy da aciaplalnaha siezona, zajaviŭ na bryfinhu 1 kastryčnika pieršy namieśnik staršyni harvykankama Uładzimir Kucharaŭ.
«Kamunalnymi słužbami Minska zabiaśpiečana vykanańnie kompleksnaha płana mierapryjemstvaŭ, zaćvierdžanych rašeńniem Minharvykankama № 1176 ad 3 maja 2014 hoda «Ab padrychtoŭcy da vosieńska-zimovaha siezona 2014—2015 hoda». Padčas zabieśpiačeńnia vykanańnia hetaha płana była stvorana apieratyŭnaja hrupa pa kaardynavańni i kantroli za chodam mierapryjemstvaŭ», — skazaŭ Kucharaŭ.
U horadzie stvorany nieabchodny zapas topačnaha mazutu i inšych vidaŭ paliva, usie kacielni hatovyja da aciaplalnaha siezona, atrymanyja pašparty hatoŭnaści ŭsimi 130 ŽESami, a taksama ŭstanovami adukacyi i achovy zdaroŭja.
«Akramia taho, sioleta była nadadziena vialikaja ŭvaha pierakładcy ciepłavych sietak. Na siońnia pierakładziena 56 km, heta 80% zapłanavanaha. Da kanca hoda, jak i mierkavałasia, budzie zavieršana pierakładka sietak — heta 70 km trub. Usie jany papiarednie izalavanyja», — skazaŭ čynoŭnik. Stvorany taksama zapas piasčana-solevych sumiesiaŭ, 500 adzinak techniki hatovyja da pracy ŭ zimovych umovach.
«My bačym, što praktyčna ŭsie raboty, nieabchodnyja dla taho, kab žyllova-kamunalnaja haspadarka Minska funkcyjanavała narmalna ŭ pieryjad zimy, buduć vykananyja», — zapeŭniŭ Kucharaŭ.
Ciapier čytajuć
Jak u halečy śpivałasia radnia Łukašenki? Małaviadomyja fakty20
Kamientary