Alaksandr Łukašenka 7 kastryčnika daŭ intervju dla turkmienskich srodkaŭ masavaj infarmacyi. U jakaści intervjujera vystupiŭ hałoŭny redaktar mižnarodnaha časopisa «Turkmienistan» Michaił Pierapleśnin.
Kiraŭnik dziaržavy adkazaŭ na ceły šerah pytańniaŭ, jakija tyčacca stanu i pierśpiektyŭ dvuchbakovych biełaruska-turkmienskich adnosin u handlova-ekanamičnaj i vytvorčaj śfierach, halinie tranzitu i transpartu, sumiesnaha navučańnia i padrychtoŭki kvalifikavanych kadraŭ dla vysokatechnałahičnych siektaraŭ ekanomik dźviuch krain.
Asobnaja ŭvaha padčas intervju było nadadziena najbolš znakavym prajektam biełaruska-turkmienskaha supracoŭnictva, siarod jakich najvažniejšym źjaŭlajecca budaŭnictva biełaruskim bokam u Turkmienistanie Harłykskaha horna-abahačalnaha kambinata pa zdabyčy kalijnych uhnajeńniaŭ.
«Naziemnaja častka znachodzicca praktyčna na zaviaršalnym etapie, my chutka skončym. Dumaju, što ŭ bližejšyja hod-paŭtara my projdziem i padziemnuju častku. Usio roŭna my vam pabudujem samy sučasny kambinat, i vy budziecie im hanarycca. My heta ŭmiejem rabić. My niadaŭna dva takija kambinaty dadatkova pabudavali ŭ siabie ŭ hetych umovach. I my zrobim heta simvałam našych adnosin, - skazaŭ Alaksandr Łukašenka. — Jak by ni było składana, my zadavolenyja, što Turkmienistan abraŭ dla realizacyi hetaha prajekta Biełaruś».
Płanujecca, što, akramia časopisa «Turkmienistan», intervju kiraŭnika Biełarusi budzie raźmieščana na sajcie turkmienskaha ŭrada, na sajcie Turkmenistan.ru, u časopisie MZS Turkmienistana «Źniešniaja palityka i dypłamatyja Turkmienistana», a taksama raspaŭsiudžana pa kanałach dziaržaŭnaj infarmacyjnaj słužby «Turkmiendaŭletchabarłary».
Ciapier čytajuć
Łukašenka: Abmiarkoŭvajem z ZŠA vyzvaleńnie palitviaźniaŭ25
Kamientary