Šviedski piśmieńnik i krytyk Choras Enhdal, jaki ŭvajšoŭ u kamitet Nobieleŭskaj premii pa litaratury, napiaredadni ŭručeńnia ŭznaharody paskardziŭsia na sučasny stan zachodniaj litaratury ŭ intervju La Croix.
Enhdal ličyć, što piśmieńnickija kursy pryviali ŭ litaraturu Jeŭropy i ZŠA zanadta šmat ludziej. Taksama, ličyć jon, piśmieńnikam nie na karyść bujnyja hrašovyja hranty. «Razumieju, spakusa vialikaja. Ale hetyja hrošy adrazajuć piśmieńnika ad hramadstva, stvarajuć niezdarovuju zaležnaść ad uładaŭ. Raniej piśmieńniki pracavali taksistami, klerkami, aficyjantami. Semiueł Biekiet i mnohija inšyja žyli tak. Było ciažka, ale jany karmilisia samastojna», — padzialiŭsia razvažańniami Enhdal.
Na dumku piśmieńnika, litaraturnaha ŭzdymu varta čakać ad krain Azii i Afryki. «Spadziajusia, litaraturnyja bahaćci Azii i Afryki nie źmienšacca z-za asimilacyi i «azachodnivańnia» hetych aŭtaraŭ», — padzialiŭsia Enhdal.
Łaŭreat Nobieleŭskaj premii pa litaratury 2014 hoda stanie viadomy 9 kastryčnika.
Kamientary