Amurski tyhr Kuzia, vypuščany Pucinym na volu, źbieh u Kitaj
Litaralna za niekalki sutak da dnia naradžeńnia Uładzimira Pucina amurski tyhr pa mianušcy Kuzia, jakoha prezident Rasii vypuściŭ na volu ŭ mai hetaha hoda, zrabiŭ niepryjemny siurpryz: u pošukach ježy drapiežnik pierajšoŭ rasijska-kitajskuju miažu.
Pra «ucioki» Kuzi paviedamiŭ namieśnik načalnika ŭpraŭleńnia Raspryrodnahladu ŭ Jaŭrejskaj aŭtanomnaj vobłaści Vasilij Harabiejka. Pavodle jaho źviestak, u vieraśni ŭ pošukach ježy žyvioła pierajšła ŭ Jaŭrejskuju aŭtanomiju, a 5 kastryčnika pierapłyła Amur.
Pakul ab miescy znachodžańnia tyhra dakładna nie viadoma, adnak rasijski bok źbirajecca źviarnucca da Kitaja z nahody «tyhra prezidenta Pucina» pa kanałach MZS RF.
Praŭda, pakul infarmacyja dojdzie da miascovych jehieraŭ i abaroncaŭ žyvioł, z Kuziaj moža što-niebudź zdarycca, bo kitajskija fiermiery naŭrad ci pryznajuć u im asobu, niekali nabližanuju da rasijskaha prezidenta.
Bolš za toje, tyhru chutčej za ŭsio nie atrymajecca paźbiehnuć sustrečy ź ludźmi, bo hety rajon Kitaja — hustanasieleny.
Ucioki Kuzi — pieršy zarehistravany ŭ hetym stahodździ vypadak pierapravy drapiežnika praz Amur u pieradhorji Małoha Chinhana. U apošnija hady z Rasii ŭ Kitaj tyhry rehularna zachodzili praz raku Usury. Zaŭvažym, što ŭ hetym rajonie Kitaja praduhledžany ščodryja kampiensacyi miascovym sialanam za zabitych tyhrami karoŭ i inšuju žyviołu.
Ciapier čytajuć
Pasiarod iranskich bambiožak Dubaja Kirył Rudy pierabraŭsia z Emirataŭ u ZŠA: «Rady złučać kantynienty! Nie saromiejciesia da mianie źviartacca»3
Pasiarod iranskich bambiožak Dubaja Kirył Rudy pierabraŭsia z Emirataŭ u ZŠA: «Rady złučać kantynienty! Nie saromiejciesia da mianie źviartacca»
Babaryka turemščykam: «U mianie było, ciapier niama, ale jość šaniec, što budzie. A ŭ vas nie było, niama i nie budzie. I ŭ vašych dziaciej nie budzie»99
Kamientary