Zaprašajem usich zacikaŭlenych naviedać prezientacyju zbornika materyjałaŭ kanfierencyi «Historyja handlu ŭ Biełarusi», jakaja adbudziecca 20 kastryčnika (paniadziełak), a 18-aj hadzinie ŭ Nacyjanalnym histaryčnym muziei Respubliki Biełaruś (h. Minsk, vuł. K. Marksa, 12). Udzieł u prezientacyi voźmie viadomy biełaruski historyk, navukovy kiraŭnik prajekta «Historyja handlu ŭ Biełarusi», prafiesar Zachar Šybieka.
Ab kanfierencyi:
14-16 listapada 2013 hoda ŭ Minsku prajšła Pieršaja mižnarodnaja navukova-praktyčnaja kanfierencyja «Historyja handlu ŭ Biełarusi (ad staražytnaha času da kanca XX st.): prablemy vyvučeńnia i pierśpiektyvy daśledavańnia».
Na praciahu troch dzion 37 navukoŭcaŭ ź Biełarusi, Hiermanii, Izraila, Rasii, Ukrainy raspracoŭvali dahetul zaniadbany i słabavyvučany ŭ biełaruskaj histaryčnaj navucy nakirunak. Udzielniki kanfierencyi prademanstravali tematyčnuju raznastajnaść prablemy, jaje samyja niečakanyja niuansy. U chodzie navukovych dyskusij źviartałasia ŭvaha na važnaść vyvučeńnia takich prablem jak farmavańnie rynka spažyvańnia i čałaviečy faktar u handlovaj dziejnaści. U apošni dzień da pracy kanfierencyi dałučylisia 10 minskich archieołahaŭ, jakija pryśviacili asablivuju ŭvahu prablemie hieniezisu handlu.
Kanfierencyja stała pieršym krokam dla ažyćciaŭleńnia maštabnaha doŭhaterminovaha navukovaha prajekta «Historyja handlu ŭ Biełarusi», jaki byŭ inicyjavany hrupaj kampanij «Mienka» i ažyćciaŭlajecca Centram vyvučeńnia historyi handlu.
Pra zbornik:
Upieršyniu pad adnoj vokładkaj vychodziać u śviet navukovyja artykuły pryśviečanyja vyklučna historyi biełaruskaha handlu, jakija achoplivajuć pieryjad ad hłybokaj staražytnaści, da pač. XXI stahodździa. My ŭpeŭnienyja, što dadzienaje vydańnie stanie karysnym jak dla admysłoŭcaŭ u halinie ekanamičnaj historyi Biełarusi, studentaŭ histaryčnych i ekanamičnych śpiecyjalnaściaŭ, hetak i ŭsim, chto cikavicca ekanamičnaj historyjaj i nazapašanym dośviedam pradprymalnictva ŭ Biełarusi.
Centr vyvučeńnia historyi handlu
TAA «Instytut roźničnych technałohij «Mienka»
Ciapier čytajuć
Jak vyhladaje stylovy dom novaj rektarki Akademii mastactvaŭ koštam paŭmiljona dalaraŭ3
Jak vyhladaje stylovy dom novaj rektarki Akademii mastactvaŭ koštam paŭmiljona dalaraŭ
Pahražaŭ vajskoŭcam raskryć, chto ź ich homaseksuał, kab vypytać sakrety i pradać Ukrainie. Voś za što adyjozny funkcyjanier BRSM atrymaŭ 17 hadoŭ kałonii1212
Kamientary